`సొంతం` సినిమాతో తెలుగు తెర అరంగేట్రం చేసిన నమిత వెంట‌నే విక్ట‌రీ వెంక‌టేష్‌తో `జెమినీ` సినిమాలో న‌టించింది. అయితే ఆ రెండు సినిమాలూ అనుకున్నంత స్థాయిలో విజ‌యాలుగా నిల‌వ‌క‌పోవ‌డంతో ఆమెకు పెద్ద‌గా అవ‌కాశాలు రాలేదు. ఆ త‌ర్వాత త‌మిళ సినిమాల‌పై దృష్టి పెట్టి అక్కడ మంచి గుర్తింపు తెచ్చుకుంది. ఆ స‌మ‌యంలో తెలుగు స్టార్ హీరో ప్ర‌భాస్‌తో క‌లిసి `బిల్లా` సినిమాలో న‌టించింది.
ఆ స‌మ‌యంలోనే ప్రభాస్ ప్ర‌వ‌ర్త‌న న‌మిత‌కు చాలా న‌చ్చింద‌ట. అప్ప‌ట్నుంచి ప్రభాస్ అంటే ఆమెకు చాలా ఇష్ట‌మ‌ట. ఈ విష‌యాల‌ను ఓ ఇంట‌ర్వ్యూలో నమిత పంచుకుంది. `ప్ర‌భాస్‌కు స్టార్ హీరోన‌నే గ‌ర్వం ఉండ‌దు. ఎంత ఎదిగినా ఒదిగి ఉంటారు. నేను ఆయ‌న‌తో క‌లిసి `బిల్లా` సినిమాలో న‌టించాను. ఆ సినిమా షూటింగ్ మ‌లేసియాలో జ‌రిగింది. అక్క‌డ‌కు షూటింగ్ సిబ్బంది చాలా త‌క్కువ మంది మాత్ర‌మే వ‌చ్చారు. దాంతో వారికి ప్రభాస్ స‌హాయం చేసేవారు. కెమేరాలు, లైట్లు మోసేవారు, అవ‌స‌ర‌మైన‌పుడు అందించేవారు. ఓ పెద్ద హీరో అలా చేయ‌డం నాకు ఆశ్చ‌ర్యంగా అనిపించింది. అసలు గ‌ర్వం లేని హీరో ప్రభాస్. అలాంటి మ‌నిషిని ఎవ‌రైనా ఇష్ట‌ప‌డ‌తార`ని నమిత చెప్పింది.
