మహేష్ బాబు హీరోగా త్రివిక్రమ్ దర్శకత్వంలో 3వ చిత్రం రానున్న సంగతి తెలిసిందే. గతంలో వీరి కాంబినేషన్లో వచ్చిన ‘అతడు’ ‘ఖలేజా’ చిత్రాలు బ్లాక్ బస్టర్లు అయ్యింది లేదు. కానీ మహేష్ బాబు అభిమానులతో పాటు బుల్లితెర ప్రేక్షకులను ఆ సినిమాలు విపరీతంగా అలరించాయి. ఇప్పుడు వీరి కాంబినేషన్లో రూపొందనున్న 3వ చిత్రంపై భారీ అంచనాలు నెలకొన్నాయి. ‘భరత్ అనే నేను’ ‘మహర్షి’ ‘సరిలేరు నీకెవ్వరు’ ‘సర్కారు వారి పాట’ వంటి వరుస విజయాలతో దూకుడు మీదున్న మహేష్..
ఈ చిత్రంతో ఓ భారీ బ్లాక్ బస్టర్ అందుకోవాలని చూస్తున్నాడు. మాస్ అండ్ ఫ్యామిలీ ఆడియన్స్ ను దృష్టిలో పెట్టుకుని త్రివిక్రమ్.. ఈ చిత్రాన్ని తీర్చిదిద్దనున్నట్టు తెలుస్తుంది. ఈ మూవీలో కొంచెం ‘నువ్వు నాకు నచ్చావ్’ పోలికలు ఉంటాయని కూడా ఇన్సైడ్ సిర్కిల్స్ సమాచారం.’హారిక అండ్ హాసిని క్రియేషన్స్’ వారు చిత్రాన్ని నిర్మించబోతున్నారు. ఇదిలా ఉండగా.. మహేష్ బాబు 28వ చిత్రంగా తెరకెక్కుతున్న ఈ ప్రాజెక్టులో కథ ప్రకారం మరో హీరోకి కూడా అవకాశం ఉందట.
అది కొంచెం నెగిటివ్ షేడ్స్ తో కూడుకున్నది అని సమాచారం. ఈ పాత్ర కోసం కొంతమంది యంగ్ హీరోలను సంప్రదించారు మేకర్స్. నాని, నితిన్ వంటి హీరోల పేర్లు కూడా వినిపించాయి. అయితే ఫైనల్ గా మాజీ హీరో నందమూరి తారక రత్న ఈ పాత్రకి ఫిక్స్ అయినట్లు తెలుస్తుంది. త్వరలోనే ఈ విషయాన్ని దర్శకనిర్మాతలు అధికారికంగా ప్రకటించే అవకాశాలు ఉన్నాయి. ఇక ఈ చిత్రం టైటిల్ మరియు మహేష్ లుక్ పోస్టర్ ను సూపర్ స్టార్ కృష్ణ గారి పుట్టినరోజు సందర్భంగా మే 31న విడుదల చేయనున్నట్టు సమాచారం.
Most Recommended Video
పెళ్లొద్దు.. సినిమాలే ముద్దు… అంటున్న 12 మంది నటీనటులు వీరే..!
తమ సొంత పేర్లనే సినిమాల్లో పాత్రలకి పెట్టుకున్న హీరోల లిస్ట్..!
ఈ 11 హీరోయిన్ల కాంబోలు అనేక సినిమాల్లో రిపీట్ అయ్యాయి..!
