Buchi Babu: ఉప్పెన దర్శకుడికి చుక్కలు చూపిస్తున్న నెటిజన్లు..!

June 18, 2021 / 02:28 PM ISTByFilmy Focus

Join Us

Buchi Babu: ఉప్పెన దర్శకుడికి చుక్కలు చూపిస్తున్న నెటిజన్లు..!

సుకుమార్ శిష్యుడు బుచ్చిబాబు వైష్ణవ్ తేజ్ హీరోగా తెరకెక్కిన ఉప్పెన సినిమాతో దర్శకుడిగా తొలి ప్రయత్నంలోనే సక్సెస్ సాధించిన సంగతి తెలిసిందే. తాజాగా ఈ డైరెక్టర్ పుష్ప సినిమాను చూసి 10 కేజీఎఫ్ లు కలిపితే పుష్ప సినిమా అని చెప్పుకొచ్చారు. పుష్ప సినిమా గురించి పొగడటంలో తప్పు లేకపోయినా కేజీఎఫ్ తో పోల్చి పొగడటం అభిమానులకు నచ్చలేదు. పాన్ ఇండియా మూవీగా తెరకెక్కిన కేజీఎఫ్ దేశవ్యాప్తంగా అంచనాలను మించి సక్సెస్ సాధించింది.

కేజీఎఫ్ మూవీలో హీరో క్యారెక్టరైజేషన్, ఎలివేషన్ సీన్లు ప్రేక్షకులను ఎంతగానో ఆకట్టుకున్నాయి. పుష్ప సినిమాను కేజీఎఫ్ తో పోల్చడంతో బుచ్చిబాబును నెటిజన్లు దారుణంగా ట్రోల్ చేస్తున్నారు. కేజీఎఫ్ ఒకటేనా బాహుబలిని కూడా కలుపుదామా అంటూ సోషల్ మీడియాలో నెటిజన్లు సెటైర్లు వేస్తున్నారు. పుష్ప కేజీఎఫ్ రేంజ్ లో ఉందో లేదో మేము చెబుతామని మీరు చెప్పాల్సిన అవసరం లేదని బుచ్చిబాబును నెటిజన్లు ఏకిపారేస్తున్నారు. మీ సినిమా బాగుంటే మంచి సినిమా అని చెప్పాలని అంతే తప్ప కేజీఎఫ్ తో పోల్చడానికి నువ్వెవరంటూ కొందరు నెటిజన్లు అభిప్రాయపడుతున్నారు.

అల్లు అర్జున్ ను ఇంప్రెస్ చేయాలనే ఆలోచనతో బుచ్చిబాబు పుష్పను కేజీఎఫ్ తో పోల్చి ఉండవచ్చని మరి కొందరు నెటిజన్లు చెబుతున్నారు. మరొక నెటిజన్ పుష్ప మూవీని బుచ్చిబాబు పది బాహుబలి, పది అవతార్ లు కలిపినా సరిపోదని చెప్పి ఉంటే బాగుండేదని కామెంట్లు చేస్తున్నారు. బన్నీతో సినిమా చేయాలని ఉంటే ఆయనను డైరెక్ట్ గా అడగాలి తప్ప ఇలాంటి సోది చెప్పకూడదని నెటిజన్లు బుచ్చిబాబుపై విమర్శలు చేస్తుండటం గమనార్హం.