హీరో అంటే మామూలు విషయం కాదు.. మెగాడాటర్ కామెంట్స్!

మెగాస్టార్ ఫ్యామిలీ నుండి ఇప్పటికే చాలా మంది హీరోలుగా ఎంట్రీ ఇచ్చారు. అందులో ఒకరిద్దరు మినహాయిస్తే.. మిగిలిన వాళ్లంతా తమ టాలెంట్ ను నిరూపించుకున్నారు. రీసెంట్ గా వైష్ణవ్ తేజ్ కూడా హీరోగా ఎంట్రీ ఇచ్చి ఆకట్టుకున్నాడు. అయితే కొన్నాళ్లుగా మెగా ఫ్యామిలీ నుండి మరో హీరో వస్తున్నట్లు వార్తలు వినిపించాయి. మెగా డాటర్ నీహారికని పెళ్లి చేసుకున్న చైతన్య జొన్నలగడ్డకి నటన అంటే ఇష్టమని.. తను కూడా హీరోగా వచ్చే ఛాన్స్ ఉందని అన్నారు.

మెగాస్టార్ చిన్నల్లుడు కళ్యాణ్ దేవ్ హీరోగా రావడంతో.. నీహారిక భర్త చైతన్య కూడా హీరో అయిపోతాడని ప్రచారం జరిగింది. తాజాగా ఈ విషయంపై క్లారిటీ ఇచ్చింది నీహారిక. తన భర్తకు సినిమాలంటే చాలా ఇష్టమని.. కొత్త సినిమాలన్నీ చూస్తుంటారని.. కానీ నటనపై ఎలాంటి ఆసక్తి లేదని తేల్చి చెప్పింది. పైగా నటన అనేది ఒక ప్యాషన్ అని.. చిన్నప్పటి నుండి దానిపై ఆసక్తి ఉండాలని.. ఇప్పటికిప్పుడు అంటే రాదని.. అందుకే చైతన్య సినిమాల్లోకి రాడని చెప్పింది.

హీరో అంటే మాటలు కాదని.. చాలా కష్టపడాలని చెప్పింది. తన భర్త నేపధ్యం వేరని.. సినిమాలు చూస్తుంటారే తప్ప. నటించరని.. అలాంటి ఉద్దేశం తమ కుటుంబంలో ఎవరికీ లేదని క్లారిటీ ఇచ్చింది. నీహారిక మాటలను బట్టి చైతన్య హీరోగా వచ్చే ఛాన్స్ లేదని తెలుస్తోంది!

Most Recommended Video

ఉప్పెన సినిమా రివ్యూ & రేటింగ్!
ఈ 20 సినిమాలకి ఊరి పేర్లనే పెట్టారు..అయితే ఎన్ని హిట్ అయ్యాయి
తెలుగులో క్రేజ్ ఉన్న ఈ 10 యాంకర్ల వయసు ఎంతో మీకు తెలుసా?