జై లవకుశ, బిగ్ బాస్ షో లతో బిజీగా ఎన్టీఆర్

బాబీ దర్శకత్వంలో ఎన్టీఆర్ నటిస్తున్న జై లవకుశ సినిమా వేగంగా షూటింగ్ జరుపుకుంటోంది. తారక్ బిగ్ బాస్ షో లో పాల్గొంటూనే, సినిమాని అనుకున్న సమయానికి కంప్లీట్ చేసేలా షెడ్యూల్ ప్లాన్ చేశారు. ప్రస్తుతం జై లవకుశ టీమ్ మొత్తం పుణేలో ఉంది. అక్కడ కీలకమైన సీన్స్ తెరకెక్కిస్తున్నారు. మిగిలిన సినిమా మొత్తం అక్కడే షూట్ చేయనున్నట్టు సమాచారం. వారంలో ఒక్క రోజు జై లవకుశకు బ్రేక్ ఇచ్చి బిగ్ బాస్ సెట్ కి ఎన్టీఆర్ వచ్చి సందడి చేయనున్నారు. ఎన్టీఆర్ ఆర్ట్స్ బ్యానర్లో కళ్యాణ్ రామ్ నిర్మిస్తున్న ఈ మూవీలో ఎన్టీఆర్ త్రి పాత్రాభినయం చేస్తున్నారు.

ఎన్టీఆర్ సరసన నివేదా థామస్, రాశీ ఖన్నా, నందితా రాజ్ లు నటిస్తున్నారు. విలన్ గా బాలీవుడ్ నటుడు రోనిత్ రాయ్ తారక్ తో తలపడనున్నారు. కొన్ని రోజుల క్రితం రిలీజ్ చేసిన జై కి సంభందించిన టీజర్ అందరినీ విశేషంగా ఆకట్టుకుంది. త్వరలో మరో పాత్ర లవకుమార్ కి చెందిన టీజర్ ని విడుదల చేయనున్నారు. రాక్ స్టార్ దేవీ శ్రీ ప్రసాద్ సంగీతమందిస్తున్న ఈ సినిమా సెప్టెంబర్ 21 న థియేటర్లోకి రానుంది.

Also, do SUBSCRIBE to our YouTube channel to get latest Tollywood updates.