తన పుట్టినరోజుకి అభిమానులకు కానుక ఇవ్వనున్న తారక్.!

యంగ్ టైగర్ ఎన్టీఆర్ మరో నెలరోజుల్లో (మే 20 ) 35 వ పుట్టినరోజుని జరుపుకోబోతున్నారు. అందుకే ఈ నెల మొదటి తేదీ నుంచే తారక్ బర్త్ డే మంత్ అంటూ అనేక సామజిక సేవా కార్యక్రమాలు చేస్తున్నారు. మే 20 న మరిన్ని కార్యక్రమాలు జరపడానికి ప్లాన్ చేస్తున్నారు. తనపై ఇంతటి అభిమానం చూపించే ఫ్యాన్స్ కి  కానుక ఇవ్వడానికి తారక్ సిద్ధమవుతున్నారు. అతను ఇప్పుడు త్రివిక్రమ్ శ్రీనివాస్ దర్శకత్వంలో నటిస్తున్నారు. ఈ సినిమా రెండో షెడ్యూల్ రామోజీ ఫిలిం సిటీలో జరుగుతోంది. ఎన్టీఆర్, పూజాలపై సరదా సన్నివేశాలను చిత్రీకరిస్తున్నారు.

ఈ సినిమా కోసం ఎన్టీఆర్ 20 కిలోల బరువు తగ్గిన సంగతి తెలిసిందే. త్రివిక్రమ్ ఎన్టీఆర్ ని సినిమాలో ఎలా చూపించబోతున్నారో చూడాలని ఆసక్తిగా ఎదురుచూస్తున్నారు. అందుకే అసామాన్యుడు అనే టైటిల్ పరిశీలిస్తున్న ఈ మూవీ ఫస్ట్ లుక్ ని మే 19 సాయంత్రం కానీ, మే 20 ఉదయం కానీ రిలీజ్ చేయనున్నారు. ఇదే కాకుండా రాజమౌళి దర్శకత్వంలో ఎన్టీఆర్ చేస్తున్న మల్టీస్టారర్ సినిమా గురించి కూడా ఓ సర్ఫరైజ్ ప్లాన్ చేసినట్లు సమాచారం. ఇదే నిజమైతే ఎన్టీఆర్ పుట్టినరోజుకి అభిమానులు రెండు కానుకలు అందుకోనున్నారు. వరుస విజయలతో దూసుకుపోతున్న ఎన్టీఆర్ స్టార్ దర్శకులతో చేస్తున్న ఈ రెండు సినిమాలపై అంచనాలు ఓ రేంజ్ లో ఉన్నాయి.