కొత్త సినిమాకు హిట్ సెంటిమెంట్ తో ప్రారంభించిన ఎన్టీఆర్

జనతా గ్యారేజ్ విడుదలైన ఐదు నెలల తర్వాత యంగ్ టైగర్ ఎన్టీఆర్ కొత్త సినిమాకి పూజా కార్యక్రమాలు నిర్వహించారు. ఎన్టీఆర్ ఆర్ట్స్ బ్యానర్లో నందమూరి కళ్యాణ్ రామ్ భారీ బడ్జెట్ తో నిర్మిస్తున్నారు. బాబీ దర్శకత్వంలో తెరకెక్కనున్న ఈ మూవీ ముహూర్తపు షాట్ కి తారక్ తన హిట్ సెంటిమెంట్ ని ఫాలో అయ్యారు. ముహూర్తపు షాట్ కి ఎన్టీఆర్ హెయిర్ బ్యాండ్ తో వస్తే ఆ చిత్రం సూపర్ హిట్ అవుతుంది. గతంలో అపజయాలు పలకరిస్తున్న సమయంలో తారక్ హెయిర్ బ్యాండ్ పెట్టుకొని యమదొంగ సినిమా ప్రారంభోత్సవానికి హాజరయ్యారు. ఆ సినిమా సూపర్ హిట్ గా నిలిచింది.

జనతా గ్యారేజ్ చిత్రం ముహూర్తపు షాట్ కి కూడా హెయిర్ బ్యాండ్ తో వచ్చారు. ఇది కూడా తన కెరీర్ లో అత్యుత్తమ చిత్రంగా నిలిచింది. ఇప్పుడు తన 27 వ సినిమా ప్రారంభోత్సానికి హెయిర్ బ్యాండ్ తో వచ్చి ఈ మూవీ సూపర్ హిట్ కావాలని, అవుతుందని చెప్పకనే చెప్పారు. రాక్ స్టార్ దేవీ శ్రీ ప్రసాద్ సంగీతమందిస్తున్న ఈ మూవీకి బాలీవుడ్, హాలీవుడ్ నిపుణులు పనిచేస్తున్నారు. ఎన్టీఆర్ తొలిసారి త్రిపాత్రాభినయం చేస్తున్న ఈ చిత్రంపై భారీ అంచనాలున్నాయి.

Also, do SUBSCRIBE to our YouTube channel to get latest Tollywood updates.