‘బింబిసార 2’.. ఇక పక్కన పెట్టేసినట్టేనా?

మల్లిడి వశిష్ట్ (Mallidi Vasishta) ‘బింబిసార’ (Bimbisara) సినిమాతో దర్శకుడిగా ఎంట్రీ ఇచ్చాడు. 2022 ఆగస్టులో వచ్చిన ఈ సినిమా మంచి విజయాన్ని అందుకుంది. బాక్సాఫీస్ వద్ద భారీ వసూళ్లు సాధించి కళ్యాణ్ రామ్ (Nandamuri Kalyan Ram) మార్కెట్ ను పెంచింది. మల్లిడి వశిష్ట్ కూడా ఏకంగా మెగాస్టార్ చిరంజీవితో (Chiranjeevi) ‘విశ్వంభర’ (Vishwambhara) అనే సినిమా చేసే ఛాన్స్ దక్కించుకున్నాడు. ఈ సినిమా షూటింగ్ దాదాపుగా పూర్తయ్యింది. త్వరలోనే రిలీజ్ కానుంది. ఈ క్రమంలో వశిష్ట్ నెక్స్ట్ సినిమా ఏంటి? అనే చర్చ కూడా మొదలైంది.

Kalyan Ram

ఆల్రెడీ అతను రామ్ చరణ్ కి (Ram Charan) ఒక కథ వినిపించాడు అని తెలుస్తుంది. కానీ చరణ్ ముందుగానే బుచ్చిబాబు (Buchi Babu Sana), సుకుమార్ (Sukumar)..ల సినిమాలకి కమిట్ అయ్యాడు కాబట్టి.. ఇప్పట్లో డేట్స్ ఇవ్వడం కష్టం. మిగతా స్టార్ హీరోలు కూడా ఖాళీగా లేరు. దీంతో మళ్ళీ అతను కళ్యాణ్ రామ్ తో సినిమా చేసే ప్రయత్నాల్లో ఉన్నాడట. వాస్తవానికి ఈ కాంబోలో ‘బింబిసార 2’ కూడా రావాలి. కానీ వశిష్ట్ కు చిరు సినిమా చేసే ఆఫర్ రావడంతో..

‘రొమాంటిక్’ ఫేమ్ అనిల్ పాదూరికి ‘బింబిసార 2’ డైరెక్ట్ చేసే ఛాన్స్ ఇచ్చాడు కళ్యాణ్ రామ్. కానీ అనిల్ పాదూరి స్క్రిప్ట్ తో కళ్యాణ్ రామ్ సంతృప్తిగా లేడట. దీంతో ‘బింబిసార 2’ ని హోల్డ్ లో పెట్టాడు కళ్యాణ్ రామ్. మరోపక్క వశిష్ట్ కూడా ‘బింబిసార 2’ ని డైరెక్ట్ చేసే మూడ్లో లేడట. అందువల్ల కళ్యాణ్ రామ్ కి వశిష్ట్ మరో కథ వినిపించాడట. అది నచ్చడంతో కళ్యాణ్ రామ్ ఓకే చెప్పినట్లు తెలుస్తుంది. సో ‘బింబిసార 2’ ఇప్పట్లో ఉండకపోవచ్చు అని స్పష్టమవుతుంది.

బాలయ్య కోసం అందులో ఫ్యామిలీ పేర్లు.. తారక్ పేరు ఎందుకులేదంటే?