విజయ్ దేవరకొండకు యువతలో ఉండే క్రేజ్ అంతాఇంతా కాదు. సక్సెస్ ఫెయిల్యూర్ తో సంబంధం లేకుండా విజయ్ దేవరకొండకు సినిమా ఆఫర్లు దక్కుతున్నాయి. విజయ్ పూరీ జగన్నాథ్ కాంబినేషన్ లో తెరకెక్కుతున్న లైగర్ ఈ ఏడాది ఆగష్టు నెలలో రిలీజ్ కానుంది. ఇప్పటికే విడుదలైన లైగర్ మూవీ గ్లింప్ల్స్ ప్రేక్షకులను ఎంతగానో ఆకట్టుకుంది. ఈ సినిమా కోసం ఫ్యాన్స్ ఆసక్తిగా ఎదురుచూస్తున్నారు. ఈ సినిమా కోసం విజయ్ దేవరకొండ ఏకంగా 25 కోట్ల రూపాయలకు అటూఇటుగా రెమ్యునరేషన్ తీసుకుంటున్నారని ఇండస్ట్రీ వర్గాల్లో వార్తలు వచ్చాయి.
ఈ సినిమా తర్వాత విజయ్ దేవరకొండ సుకుమార్ డైరెక్షన్ లో ఒక సినిమాలో, శివ నిర్వాణ డైరెక్షన్ లో ఒక సినిమాలో నటించనున్నారు. అయితే ఈ సినిమాల కొరకు విజయ్ లైగర్ సినిమా కంటే 30 నుంచి 40 శాతం డిమాండ్ చేస్తున్నారని ఇండస్ట్రీ వర్గాల్లో వినిపిస్తోంది. అయితే ఈ వార్తల్లో నిజానిజాలు తెలియాల్సి ఉంది. లైగర్ సినిమా రిజల్ట్ ను బట్టి నిర్మాతలు విజయ్ దేవరకొండ రెమ్యునరేషన్ ను ఫిక్స్ చేసే అవకాశాలు ఉన్నాయి.
యూత్ లో భారీ స్థాయిలో ఫ్యాన్ ఫాలోయింగ్ ఉన్న విజయ్ దేవరకొండ యువతకు నచ్చే సినిమాల్లోనే ఎక్కువగా నటిస్తున్నారు. ఇస్మార్ట్ శంకర్ సక్సెస్ తర్వాత పూరీ జగన్నాథ్ డైరెక్షన్ లో తెరకెక్కుతున్న ఈ సినిమా భారీ బడ్జెట్ తో తెరకెక్కుతోంది. ఈ సినిమాకు భారీ స్థాయిలో ఓటీటీ ఆఫర్లు వచ్చినా మేకర్స్ ఆ ఆఫర్లను రిజెక్ట్ చేశారని సమాచారం. టాలీవుడ్ ఇండస్ట్రీలో 25 కోట్ల రూపాయల స్థాయిలో రెమ్యునరేషన్ తీసుకుంటున్న మిడిల్ రేంజ్ హీరో విజయ్ దేవరకొండ మాత్రమే కావడం గమనార్హం.
పూరీ జగన్నాథ్ ఊహించని కథాకథనాలతో లైగర్ సినిమాను తెరకెక్కిస్తున్నారని తెలుస్తోంది. బాక్సాఫీస్ వద్ద లైగర్ ఎలాంటి రిజల్ట్ ను అందుకుంటుందో చూడాల్సి ఉంది. ఈ సినిమాను పూర్తి చేసిన తర్వాతే విజయ్ తర్వాత ప్రాజెక్టులపై దృష్టి పెట్టనున్నారని ఇండస్ట్రీ వర్గాల్లో వినిపిస్తోంది.
Most Recommended Video
చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
ఎన్టీఆర్ టు కృష్ణ.. ఈ సినీ నటులకి పుత్రశోఖం తప్పలేదు..!
20 ఏళ్ళ ‘టక్కరి దొంగ’ గురించి ఎవ్వరికీ తెలియని కొన్ని విషయాలు..!
