టాలీవుడ్ ఇండస్ట్రీలో మెగా హీరోలకు ఏ స్థాయిలో క్రేజ్ ఉందో ప్రత్యేకంగా చెప్పాల్సిన అవసరం లేదు. మెగా హీరోల ఖాతాలలో ఎక్కువగా ఇండస్ట్రీ హిట్లు ఉన్నాయి. గోదావరి జిల్లాల్లో ఈ హీరోలకు ఊహించని స్థాయిలో ఫ్యాన్స్ ఉన్నారు. తాజాగా ఒక అభిమాని పవన్ (Pawan Kalyan), చరణ్ (Ram Charan) లపై తనకు ఉన్న అభిమానాన్ని వినూత్నంగా చాటుకున్నారు. పవన్, చరణ్ ఫోటోలతో వెడ్డింగ్ కార్డ్ ను ప్రింట్ చేయించారు. ఉమా మహేశ్వర అయ్యప్ప అనే అభిమానికి సంబంధించిన పెళ్లి పత్రిక నెట్టింట వైరల్ అవుతోంది.
పశ్చిమ గోదావరి జిల్లా అత్తిలి వాసి అయిన అయ్యప్ప అనూష దుర్గ అనే యువతిని ఈ నెల 27వ తేదీన పెళ్లి చేసుకోనున్నారు. బాల్యం నుంచి పవన్ కు వీరాభిమాని అయిన అయ్యప్ప ఆ అభిమానాన్ని ఈ విధంగా చాటుకోవడం గమనార్హం. ఈ విషయం తెలిసిన ఫ్యాన్స్ పవన్, చరణ్ క్రేజ్ మామూలుగా లేదుగా అంటూ కామెంట్లు చేస్తున్నారు. మెగా హీరోల ఫ్యాన్స్ ఈ పెళ్లి కార్డ్ ను నెట్టింట తెగ వైరల్ చేస్తున్నారు. మెగా హీరోల రెమ్యునరేషన్లు భారీ స్థాయిలో ఉన్న సంగతి తెలిసిందే.
చరణ్ గేమ్ ఛేంజర్ (Game Changer) థియేట్రికల్, నాన్ థియేట్రికల్ హక్కులు ఏకంగా 420 కోట్ల రూపాయలకు అమ్ముడయ్యాయని ఇండస్ట్రీలో టాక్ ఉంది. నిర్మాత దిల్ రాజుకు (Dil Raju) ఈ సినిమా భారీ లాభాలను అందించడం ఖాయమని కామెంట్లు వ్యక్తమవుతున్నాయి. పవన్ కళ్యాణ్ పిఠాపురం నుంచి ఎన్నికల్లో పోటీ చేస్తుండగా ఎన్నికల తర్వాత సినిమాలతో బిజీ కానున్నారు.
ఇప్పటికే ప్రకటించిన సినిమాలను పూర్తి చేసిన తర్వాతే పవన్ కళ్యాణ్ కొత్త సినిమాలను ప్రకటించే ఛాన్స్ అయితే ఉందని సమాచారం అందుతోంది. పవన్ కళ్యాణ్ రాబోయే రోజుల్లో మరిన్ని ఎక్కువ సంఖ్యలో సినిమాలలో నటించేలా కెరీర్ ను ప్లాన్ చేసుకోవాలని ఫ్యాన్స్ భావిస్తున్నారు. పవన్ రాజకీయాల్లో సక్సెస్ అయినా సినిమాలకు దూరం కాకూడదని నెటిజన్లు కామెంట్లు చేస్తున్నారు.
ఓం భీమ్ భుష్ సినిమా రివ్యూ & రేటింగ్!!
లైన్ మ్యాన్ సినిమా రివ్యూ & రేటింగ్!
ప్రముఖ బిగ్ బాస్ కంటెస్టెంట్ అరెస్ట్.. మేటర్ ఏంటి?
