బాలీవుడ్ లో బ్లాక్ బస్టర్ హిట్టైన పింక్ సినిమాకు రీమేక్ గా తెరకెక్కిన వకీల్ సాబ్ పాజిటివ్ టాక్ ను సొంతం చేసుకోవడంతో పాటు తొలివారం రికార్డు స్థాయిలో కలెక్షన్లను సాధించిన సంగతి తెలిసిందే. అయితే వేర్వేరు కారణాల వల్ల రెండో వారంలో ఈ సినిమాకు కలెక్షన్లు తగ్గాయి. 89 కోట్ల రూపాయల ప్రీ రిలీజ్ బిజినెస్ చేసిన వకీల్ సాబ్ ఇప్పటివరకు ప్రపంచవ్యాప్తంగా 85.17 కోట్ల రూపాయల షేర్ కలెక్షన్లను సాధించింది.
అయితే వకీల్ సాబ్ సినిమాతో పవన్ కళ్యాణ్ అత్తారింటికి దారేది సినిమా కలెక్షన్లను బ్రేక్ చేసి కొత్త రికార్డును క్రియేట్ చేశారు. పవన్ కళ్యాణ్ త్రివిక్రమ్ శ్రీనివాస్ కాంబినేషన్ లో తెరకెక్కి 2013 సంవత్సరంలో విడుదలైన అత్తారింటికి దారేది సినిమా బాక్సాఫీస్ దగ్గర రికార్డు స్థాయిలో 81 కోట్ల రూపాయల కలెక్షన్లను సాధించిన సంగతి తెలిసిందే. విడుదలకు ముందే పైరసీ బారిన పడినప్పటికీ ఈ సినిమా వల్ల నిర్మాతలకు కోట్ల రూపాయల లాభం వచ్చింది.
పవన్ వకీల్ సాబ్ సినిమాతో తను క్రియేట్ చేసిన రికార్డును తనే బ్రేక్ చేశారు. వకీల్ సాబ్ మరో 5 కోట్ల రూపాయల కలెక్షన్లను సాధించాల్సి ఉండగా టికెట్ రేట్లు తక్కువగా ఉండటం, కరోనా సెకండ్ వేవ్ వల్ల కలెక్షన్లు తక్కువగా వస్తున్నాయి. పవన్ కెరీర్ లో వకీల్ సాబ్ సినిమా అబవ్ యావరేజ్ గా నిలిచింది. సాధారణ పరిస్థితులు నెలకొని ఉంటే మాత్రం ఈ మూవీ 100 కోట్ల రూపాయల కలెక్షన్లను సాధించి ఉండేదని ఫ్యాన్స్ భావిస్తున్నారు.
ఈ సినిమాతో పవన్ 100 కోట్ల షేర్ కలెక్షన్లను సాధించలేకపోయినా అయ్యప్పనుమ్ కోషియమ్ రీమేక్ లేదా హరిహరవీరమల్లు సినిమాలతో పవన్ ఆ రికార్డును క్రియేట్ చేస్తాడని ఫ్యాన్స్ భావిస్తున్నారు.
Most Recommended Video
‘పవన్ కళ్యాణ్’ హీరోగా రూపొందిన 11 రీమేక్ సినిమాలు మరియు వాటి ఫలితాలు..!
పెళ్లయ్యి కూడా పెళ్లి కానట్టు ఉండే 10 మంది టాలీవుడ్ భామల లిస్ట్..!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
Home