Pawan Kalyan: ఇది ఏ మాత్రం కరెక్ట్‌ కాదంటున్న నెటిజన్లు

అభిమాన హీరో సినిమా విడుదలవుతోంది అంటే బ్యానర్లు, పోస్టర్లు, కాగితాల వర్షం మనకు కనిపించేవి. అయితే అభిమానానికి సోషల్ మీడియా ‘పిచ్చి’ జోడయ్యేసరికి అభిమానం వెర్రితలలు వేస్తోంది అని చెప్పాలి. సోషల్‌ మీడియా వార్ అంటూ ముద్దుగా పిలుచుకుంటూ ఒకరినొకరు బూతులు తిట్టుకుంటున్నారు. ‘వకీల్‌సాబ్‌’ విడుదల సందర్భంగా ఇలాంటివి చాలా చూశాం. అయితే వీటితోపాటు మరో ఇబ్బందికరమైన వీడియో ఒకటి వైరల్‌గా మారింది. ఆ వీడియో చూస్తే… పవన్‌ అభిమానులు కూడా తప్పే అనేంత వీడియో ఇది.

అభిమాన హీరో కోసం రక్తదానాలు చేసినవాళ్లను చూసుంటారు, అవయవదానం చేసినవారినీ చూసుంటారు. అంతేగానీ ఏకంగా రక్తంతో సినిమా తెర మీద ఆ హీరో పేరు రాసినవారిని చూశారా? అయితే ఈ దిగువ వీడియోలో చూడొచ్చు. ఈ వీడియో చూశాక తొలుత ఆశ్చర్యం వేస్తుంది.. ఆ తర్వాత కాసేపటికి అది చిరాకుగా మారుతుంది. ఇలాంటి పని చేసినవాడు దొరికితే నాలుగు పీకాలని అనిపిస్తుంది. కానీ ఏం చేస్తాం ఈ వైరల్ వీడియో ఎక్కడిదో తెలియడం లేదు. ‘వకీల్‌సాబ్‌’ సినిమా తొలి షోలో తీసినదని మాత్రం అర్థమవుతోంది.

ప్రేయసి కోసం ప్రియుడు ఇలా రక్తంతో లేఖలు రాస్తారని గతంలో చూశాం, ‘తొలిప్రేమ’లో పవన్‌ కూడా అదే పని చేశాడు. అయితే అది నటన అనే విషయం మరచిపోకూడదు. సినిమా మీద, హీరో మీద అభిమానంతో ఇలా అభిమానం ఉంటే మాత్రం ఇలా చేయాలా అని పలువురు నెటిజన్లు ఆందోళన వ్యక్తం చేస్తున్నారు. అభిమానం మంచికి ప్రతిరూపంగా ఉండాలి కానీ ఇలా ప్రకోపించకూడదు మరి. అభిమానులారా… కాస్త మా మాట వినడండి. ఎందుకంటే ఇది మీ అభిమాన హీరో మాట.

Most Recommended Video

వకీల్ సాబ్ సినిమా రివ్యూ & రేటింగ్!
లాయర్ గెటప్ లలో ఆకట్టుకున్న 12 మంది హీరోలు వీళ్ళే..!
జాతి రత్నాలు, ఉప్పెన, క్రాక్..ఇలా బాలీవుడ్ కు చాలానే వెళ్తున్నాయి..!