పవర్ స్టార్ పవన్ కళ్యాణ్ ను అభిమానించే అభిమానులు తెలుగు రాష్ట్రాల్లో లక్షల సంఖ్యలో ఉన్నారనే సంగతి ప్రత్యేకంగా చెప్పాల్సిన అవసరం లేదు. రీమేక్ సినిమాలతో సైతం పవన్ కళ్యాణ్ సులువుగా కొత్త రికార్డులను క్రియేట్ చేయగలరు. వకీల్ సాబ్ సినిమాలో లాయర్ సత్యదేవ్ పాత్రలో అద్భుతంగా నటించి పవన్ క్రిటిక్స్ ప్రశంసలు పొందడంతో పాటు 90 కోట్ల రూపాయల షేర్ కలెక్షన్లను సాధించారు. పవన్ రేంజ్ కు ఈ కలెక్షన్లు తక్కువే అయినప్పటికీ కరోనా సెకండ్ వేవ్ వల్ల ఈ సినిమా నిర్మాతలు ఆశించిన స్థాయిలో కలెక్షన్లను సాధించలేకపోయింది.
అమెజాన్ ప్రైమ్ లో ఈ సినిమా స్ట్రీమ్ కాగా అక్కడ కూడా ఈ సినిమాకు మంచి వ్యూస్ వచ్చినట్టు వార్తలు వచ్చాయి. నిన్న ప్రముఖ ఎంటర్టైన్మెంట్ ఛానెల్స్ లో ఒకటైన జీ తెలుగు ఛానల్ లో వకీల్ సాబ్ సినిమా ప్రసారం కావడం గమనార్హం. అయితే జీ తెలుగు ఛానల్ ఈ సినిమా కోసం భారీస్థాయిలో ప్రమోషన్స్ చేసింది. మరోవైపు గుంటూరు జిల్లాలోని తక్కెళ్లపల్లి గ్రామంలో పవన్ అభిమానులు డప్పు కొట్టి వకీల్ సాబ్ సినిమా చూడాలని ప్రచారం చేశారు.
కేబుల్ ఛానల్ నంబర్ చెప్పి మరీ చాటింపు వేయించి పవన్ ఫ్యాన్స్ ఆకట్టుకున్నారు. ఈ విషయం తెలిసి నెటిజన్లు పవన్ అంటే ఫ్యాన్స్ కు ఇంత అభిమానమా అని కామెంట్లు చేస్తున్నారు. పవన్ నటించిన గబ్బర్ సింగ్, అత్తారింటికి దారేది బుల్లితెరపై మంచి రేటింగ్ లను సొంతం చేసుకోగా వకీల్ సాబ్ ఎంత రేటింగ్ సాధించిందో తెలియాలంటే ఈ నెల 29వ తేదీ వరకు ఆగాల్సిందే.
పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్
