సినిమా నటులు… రాజకీయాల్లోకి రావడం కొత్తేమీ కాదు. గతంలో చాలామంది హీరోలు ఇలా వచ్చినవాళ్లే. అయితే రాజకీయాల్లో ఉంటూ సినిమాల్లో నటించినవాళ్లు కొంతమందే. అంటే రెండు పడవల ప్రయాణం చేసినవాళ్లు చాలా తక్కువమంది. అలా రెండింటిలోనూ ఉన్న కథానాయకుడు పవన్ కల్యాణ్‌. ఈ నేపథ్యంలో పవన్ చేస్తున్న సినిమాల విషయంలో మరింత ఆసక్తి కలుగుతోంది. ఈ క్రమంలో పవన్ మరో సినిమాకు సిద్ధమవుతున్నాడని టాక్‌. రాజకీయాల్లోకి వచ్చినా… నా వృత్తి కాబట్టి సినిమాల్లో నటిస్తున్నా అని చెబుతున్నాడు పవన్.
అయితే కథల ఎంపికలో మాత్రం రాజకీయాలకు కూడా పనికొచ్చేలా ఉండాలని అనుకుంటున్నాడట. అలాంటి ఓ కథను దేవా కట్టా సిద్ధం చేస్తున్నారని టాక్‌. ‘రిపబ్లిక్’ సినిమాతో ఇటీవల మంచి విజయం అందుకున్న దేవా కట్టా ప్రస్తుతం ఇదే పనిలో ఉన్నారట. త్వరలో పవన్‌ను కలసి కథ పాయింట్ ఓకే చేయించుకుంటారని తెలుస్తోంది. పవన్ కల్యాణ్‌ ప్రస్తుతం మూడు సినిమాలు చేస్తున్నాడు. ‘భీమ్లా నాయక్‌2, ‘హరి హర వీరమల్లు’ సెట్స్‌ మీదుండగా…
‘భవదీయుడు భగత్‌ సింగ్‌’ అనే సినిమా త్వరలో పట్టాలెక్కబోతోంది. ఆ తర్వాత అంటే సరిగ్గా ఏపీ అసెంబ్లీ ఎన్నికలకు ముందు దేవా కట్టా సినిమా ఉండొచ్చు అని టాక్‌. ‘రిపబ్లిక్’ నిర్మాతల దగ్గర ఇప్పటికే పవన్ డేట్స్‌ ఉన్నాయని గతంలోనే వార్తలొచ్చాయి.
Most Recommended Video
సమంత- నాగచైతన్య మాత్రమే కాదు టాలీవుడ్లో ఇంకా చాలా మంది ఉన్నారు..!
‘రిపబ్లిక్’ మూవీలో గూజ్ బంప్స్ తెప్పించే డైలాగులు ఇవే..!
టాలీవుడ్ స్టార్ హీరోల ఇష్టమైన కార్లు..వాటి ధరలు
