రాజకీయంగా పవన్ కల్యాణ్ను ఎదుర్కోవడానికి ఎన్నో దారులు ఉన్నా.. ప్రత్యర్థులు వాడే ప్రధాన ఆయుధాల్లో ఆయన వివాహాలు ఒకటి. ‘మూడు పెళ్లిళ్లు చేసుకున్నారు, అలా అభిమానులకు, ప్రజలకు ఏం సందేశం ఇస్తున్నారు’ అంటూ ప్రత్యర్థి పార్టీలు విమర్శిస్తూనే ఉన్నాయి. అయితే సమాజంలో, రాజకీయాల్లో ఇలాంటివాళ్లు లేరా అంటే చాలామంది ఉన్నారనే చెప్పాలి. అయితే దీనిపై పవన్ గతంలో చాలాసార్లు సమాధానం ఇచ్చాడు. తాజాగా ‘అన్స్టాపబుల్ 2’ వేదికగా మరోసారి తన పెళ్లిళ్ల గురించి మాట్లాడాడు.
దానికి బాలకృష్ణ కూడా రియాక్ట్ అయ్యాడు. ఇప్పుడు ఆ విషయాలు సోషల్ మీడియాలో వైరల్గా మారాయి. ఇంటర్వ్యూ రిలీజ్ అయ్యాక హిట్ అవ్వడం, వైరల్ అవ్వడం.. వాటిని చూసి అభిమానులు సంబరాలు చేసుకోవడం లాంటివి చూసి ఉంటారు. కానీ ఓ ఇంటర్వ్యూ షూటింగ్ రోజే ఏదో సినిమా విడుదలైంది అనేలా సంబరాలు చేసుకున్నారు అంటే అది కచ్చితంగా పవన్ కల్యాణ్ అన్స్టాపబుల్ ఇంటర్వ్యూ అనే చెప్పాలి. అంతలా సందడి జరిగింది.
అందరూ అనుకున్నట్లే ఎపిసోడ్లో పవన్ పెళ్లిళ్ల గురించి బాలయ్య ప్రశ్న అడిగేశారు. రాజకీయ వేదికల మీద పెళ్లిళ్ల గురించి ఘాటుగా సమాధానమిచ్చే పవన్.. ఈ సారి కాస్త కూల్గా మాట్లాడాడు అని సమాచారం. ప్రతిసారి ఇంటర్వ్యూ సందర్భంగా ఫొటోలు, వీడియోలు లీక్ అవుతుంటాయి. అయితే ఈసారి ఏకంగా ప్రశ్న – జవాబులు లీక్ అయిపోయాయి. పెళ్లిళ్ల ప్రస్తావన తీసుకొచ్చిన బాలయ్య పవన్ సమాధానం తర్వాత కాస్త ఘాటుగా రియాక్ట్ అయ్యారట.
‘‘నేనేమీ సరదాగా, కావాలని మూడు పెళ్లిళ్లు చేసుకోలేదు. మొదటి రెండు వివాహ బంధాలు నాకు సెట్ కాలేదు. జీవిత భాగస్వామితో ఇబ్బందులు తలెత్తినప్పుడు చట్టపరంగా విడాకులు తీసుకొని మరొక వివాహం చేసుకున్నాను’’ అని చెప్పాడట పవన్. ఆ తర్వాత బాలయ్య రియాక్ట్ అవుతూ ‘ఇక నుండి పవన్ పెళ్లిళ్ల గురించి మాట్లాడే ఎవడైనా ఊరకుక్కతో సమానం’ అని ఘాటుగా వ్యాఖ్యానించినట్లు సమాచారం.
‘వ్యక్తిగత దాడి ఆ మనిషిని ఎంత బాధపెడుతుందో తెలియని వారు ఇలాంటి కామెంట్స్ చేస్తారు. ఈ విమర్శలు చేసేవాళ్ళు మొదట మీ కుటుంబాల గురించి సమీక్షించుకోవాలి’’ అని కూడా అన్నారట బాలయ్య. ఎపిసోడ్ స్ట్రీమ్ అయ్యాక దీనిపై ఫుల్ క్లారిటీ వస్తుంది. అయితే ప్రోమోలోనే ఈ ప్రశ్న ఉంటుందని.. అయితే సమాధానం ఫుల్ ఇంటర్వ్యూలో చూడాలని అంటున్నారు కూడా.
18 పేజెస్ సినిమా రివ్యూ& రేటింగ్!
ధమకా సినిమా రివ్యూ& రేటింగ్!
ఈ ఏడాది ఓవర్సీస్ లో 1 మిలియన్ కొట్టిన సినిమాల లిస్ట్..!
టాప్ 10లో తెలుగు ఇండస్ట్రీ నుండి ఎన్ని సినిమాలు ఉన్నాయంటే..?
