Pawan Kalyan: ఆ దర్శకునిపై అభిమానాన్ని చాటుకున్న పవన్!

December 24, 2021 / 06:03 PM ISTByFilmy Focus

Join Us

Pawan Kalyan: ఆ దర్శకునిపై అభిమానాన్ని చాటుకున్న పవన్!

టాలీవుడ్ పవర్ స్టార్ పవన్ కళ్యాణ్ కు సినిమాసినిమాకు క్రేజ్ పెరుగుతున్న విషయం తెలిసిందే. రీఎంట్రీలో వకీల్ సాబ్ సినిమాతో పవన్ కళ్యాణ్ ఘనవిజయాన్ని సొంతం చేసుకున్నారు. ఈ సినిమాకు వేణు శ్రీరామ్ దర్శకుడు అనే సంగతి తెలిసిందే. పింక్ సినిమాకు రీమేక్ గా వకీల్ సాబ్ సినిమాను తెలుగు నేటివిటీకి తగినట్టుగా మార్పులు చేసి వేణు శ్రీరామ్ వకీల్ సాబ్ రికార్డు స్థాయిలో కలెక్షన్లు సాధించడానికి ప్రత్యక్షంగా, పరోక్షంగా కారణమయ్యారు.

దిల్ రాజు ఈ సినిమాకు నిర్మాతగా వ్యవహరించారు. క్రిస్మస్ పండుగ సందర్భంగా పవన్ కళ్యాణ్ వేణు శ్రీరామ్ కు గిఫ్ట్ పంపారు. క్రిస్మస్ పండుగ శుభాకాంక్షలు చెబుతూ పవన్ పంపిన గిఫ్ట్ ను వేణు శ్రీరామ్ భార్య గాయత్రి శ్రీరాం సోషల్ మీడియాలో షేర్ చేయడంతో పాటు పవన్ కు కృతజ్ఞతలు తెలిపారు. పవన్ పంపిన గిఫ్ట్ బాక్స్ ను ఓపెన్ చేసి అందులో ఏమేం ఉన్నాయో గాయత్రి శ్రీరాం చూపించారు.

ప్రస్తుతం సోషల్ మీడియాలో ఈ వీడియో తెగ వైరల్ అవుతోంది. మరోవైపు వేణు శ్రీరామ్ తర్వాత సినిమా గురించి క్లారిటీ రావాల్సి ఉంది. అల్లు అర్జున్ హీరోగా వేణు శ్రీరామ్ డైరెక్షన్ లో ఐకాన్ సినిమా తెరకెక్కాల్సి ఉన్నా ఈ ప్రాజెక్ట్ విషయంలో కన్ఫ్యూజన్ నెలకొంది. వకీల్ సాబ్ సినిమాతో సక్సెస్ సాధించినా వేణు శ్రీరామ్ కు కెరీర్ లో గ్యాప్ వచ్చింది. ఓ మై ఫ్రెండ్ తో టాలీవుడ్ లో దర్శకుడిగా వేణు శ్రీరామ్ కెరీర్ ను మొదలుపెట్టారు.

బాక్సాఫీస్ వద్ద ఓ మై ఫ్రెండ్ అనుకున్న స్థాయిలో సక్సెస్ సాధించలేదు. అయితే ఆ తర్వాత తెరకెక్కించిన ఎంసీఏ సినిమాతో వేణు శ్రీరామ్ సక్సెస్ సాధించారు. వకీల్ సాబ్ సినిమా సక్సెస్ వల్ల పవన్ అభిమానుల్లో సైతం వేణు శ్రీరామ్ కు క్రేజ్ పెరిగింది. భవిష్యత్తులో పవన్ వేణు శ్రీరామ్ కాంబినేషన్ లో మరో సినిమా తెరకెక్కుతుందేమో చూడాల్సి ఉంది.

FROM OUR OWN VAKEELSAAB⚡ @PawanKalyan garu. THANK YOU SIR FOR SENDING US THIS LOVELY CHRISTMAS PRESENT ❤️. MERRY CHRISTMAS.🎉.#PSPK #ChristmasEve pic.twitter.com/Q1xRLPODp3

— Gayathri Sriram (@GAYATHRIGSAK) December 23, 2021