ఈరోజు మహేష్ బాబు తన 48 వ పుట్టినరోజుని సెలబ్రేట్ చేసుకుంటున్నారు. కాబట్టి సోషల్ మీడియాలో #HappyBirthdayMaheshBabu అనే హ్యాష్ ట్యాగ్ విపరీతంగా ట్రెండ్ అవుతోంది. సూపర్ స్టార్ కి సెలబ్రిటీలు సైతం స్పెషల్ గా బర్త్ డే విషెస్ చెబుతున్నారు. ఆల్రెడీ చిరంజీవి స్పెషల్ గా బర్త్ డే విషెస్ చెప్పారు. ఇప్పుడు పవన్ కళ్యాణ్ వంతు వచ్చింది. మహేష్ బాబుకి పుట్టినరోజు శుభాకాంక్షలు చెబుతూ ప్రత్యేకంగా ఓ లేఖను విడుదల చేశారు పవన్ కళ్యాణ్.
శ్రీ మహేష్ బాబుకి హృదయపూర్వక జన్మదిన శుభాకాంక్షలు అంటూ మొదలు పెట్టిన పవన్ కళ్యాణ్ అటు తర్వాత.. “తెలుగు చలన చిత్రసీమలో తనదైన పంథా కలిగిన అగ్రశ్రేణి కథానాయకుడు శ్రీ మహేష్ బాబుకి హృదయపూర్వక జన్మదిన శుభాకాంక్షలు. శ్రీ మహేష్ బాబు కథానాయకుడిగా అందుకున్న ఘన విజయాలు తెలుగు సినీ పరిశ్రమ వృద్ధికి ఎంతో దోహదపడ్డాయి. తండ్రి నటశేఖర కృష్ణ గారి అడుగుజాడల్లో వెళ్తూ, విభిన్న పాత్రల్లో మెప్పించే అభినయ సామర్ధ్యం ఆయన సొంతం. సోదరసమానుడైన శ్రీ మహేష్ బాబు మరిన్ని విజయాలు అందుకోవాలని, సంపూర్ణ ఆనందంతో ఉండాలని ఆకాంక్షిస్తున్నాను” అంటూ పేర్కొన్నారు.
గతేడాది కూడా పవన్ కళ్యాణ్.. ” ప్రముఖ కథానాయకులు శ్రీ మహేష్ బాబు గారికి హృదయపూర్వక జన్మదిన శుభాకాంక్షలు. తనదైన శైలి నటనతో నవతరం ప్రేక్షకులను మెప్పిస్తున్నారు. ఆయన చేపట్టే సేవా కార్యక్రమాలు… హృద్రోగంతో బాధపడే చిన్నారులకు శస్త్ర చికిత్సలు చేయించడం అభినందనీయం. శ్రీ కృష్ణ గారి నట వారసత్వాన్ని దిగ్విజయంగా కొనసాగిస్తూ.. తండ్రి బాటలోనే దర్శకులకు, నిర్మాతలకు అండగా నిలుస్తున్నారు.‘అర్జున్’ సినిమా సందర్భంలో పైరసీపై పోరాటానికి శ్రీ మహేష్ బాబు గారు తన గళం వినిపిస్తే ఆయనకు మద్దతుగా నిలిచాను.
పరిశ్రమను కాపాడుకొనేందుకు ఆయన ముందుకు రావడంతో అందరం వెన్నంటి నిలిచాం. ‘జల్సా’ సినిమాలో సంజయ్ సాహూ పాత్రను పరిచయం చేసేందుకు శ్రీ మహేష్ బాబు గారి నేపథ్య గాత్రం అయితే బాగుంటుందని, దర్శకులు శ్రీ త్రివిక్రమ్ గారు కోరగానే అంగీకరించిన సహృదయత శ్రీ మహేష్ బాబు గారిది. కథానాయకుడిగా తనదైన పంథాలో వెళ్తూ ప్రేక్షకుల మెప్పు, పురస్కారాలూ అందుకొంటున్న శ్రీ మహేష్ బాబు గారు మరిన్ని విజయాలు అందుకోవాలని భగవంతుణ్ణి ప్రార్థిస్తున్నాను” అంటూ రాసుకొచ్చారు.
పవన్ (Pawan Kalyan) – మహేష్.. ఇద్దరికీ కూడా లాయల్ ఫ్యాన్స్ ఉన్నారు. వీళ్ళిద్దరూ కలిసిన సందర్భాలు చాలా తక్కువ.ఇలా పవన్ .. మహేష్ కి బర్త్ డే విషెస్ చెప్పడం వీళ్ళ అభిమానులను సంతోష పెడుతుంది. అలాగే వీరి కాంబోలో మల్టీస్టారర్ రావాలని ఎంతో మంది కోరుకుంటున్నారు.
ఆ హీరోల భార్యల సంపాదన ఎంతో తెలిస్తే షాక్ అవ్వాల్సిందే..!
రాంచరణ్ టు నాని.. ఈ 10 మంది హీరోలకి మొదటి వంద కోట్ల సినిమాలు ఇవే..!
పాత్ర కోసం ఇష్టాలను పక్కన పడేసిన నటులు వీళ్లేనా..!
