పాయల్ రాజ్ పుత్ .. మొదటి చిత్రంతోనే ఈ భామ క్రేజీ హీరోయిన్లందరికీ చమటలు పట్టించింది. కారణం ఆ చిత్రంలో దిమ్మతిరిగే రేంజ్లో గ్లామర్ షో చేయడమే కాదు… నటనలో కూడా ఔరా అనిపించడమే అని చెప్పాలి. అయితే తరువాత ఆమె చేసిన సినిమాలు పెద్దగా ఆడకపోయినప్పటికీ.. ‘వెంకీమామ’ చిత్రం పర్వాలేదనిపించింది. ఇటీవల బోయపాటి- బాలయ్య కాంబినేషన్లో తెరకెక్కబోతున్న మూవీ లో నటించట్లేదు అంటూ స్వయంగా పాయల్ క్లారిటీ ఇచ్చింది. ఆమె ఇలా క్లారిటీ ఇవ్వడానికి అసలు కారణం వేరే ఉందట.
విషయం ఏంటంటే.. ఇటీవల తన మేనేజర్ సతీష్ ను తొలగించిందంట. ఈమె పేరు చెప్పి బయట చాలా తప్పులు చేస్తున్నాడు అని గ్రహించి అతన్ని తొలగించినట్టు తెలుస్తుంది. హీరోయిన్లకు ఎక్కువగా మేనేజర్లే అన్ని పనులూ చూసుకుంటారన్న సంగతి తెలిసిందే. వారి డేట్స్ దగ్గర్నుండీ.. దర్శక నిర్మాతలు తెచ్చే కథల్ని ఆఫర్లను .. వారి వద్దకు తీసుకెళ్లేది వీరే. అలాంటి మేనేజర్ ఈమెకు హ్యాండ్ ఇవ్వడంతో అన్నే తానై చూసుకుంటాను అని ఈ బ్యూటీ చెబుతుందట. గతంలో ఎన్టీఆర్, రవితేజ లకు కూడా వాళ్ళ మేనేజర్ల విషయంలో ఇలాగే చేసారని అప్పట్లో వార్తలు వచ్చిన సంగతి తెలిసిందే..!
Most Recommended Video
నిర్మాతలుగా కూడా సత్తా చాటుతున్న టాలీవుడ్ హీరోలు
మోస్ట్ డిజైరబుల్ విమెన్ 2019 లిస్ట్
టైమ్స్ మోస్ట్ డిజైరబుల్ మెన్ 2019 లిస్ట్
సొంత మరదళ్ళను పెళ్లాడిన టాప్ స్టార్స్
