Ram Charan: పిక్‌ ఆఫ్‌ ది డే: రామ్‌చరణ్‌తో నిర్మాతలు, రాజకీయ నాయకుడు.. ఏం జరుగుతోంది?

రామ్‌ చరణ్‌ నెక్స్ట్‌ సినిమా ఏంటి? ఈ ప్రశ్నకు ఆన్సర్‌ చెప్పడం చాలా సులభం. అయితే రెండు సినిమాల తర్వాత చరణ్‌ ఏ సినిమా చేస్తాడు అని అడిగితే మాత్రం అంత ఈజీగా చెప్పలేం. ఎందుకంటే చరణ్‌ ఇంకా కొత్త సినిమాలేవీ ఓకే చేయలేదు. ఇక రామ్‌చరణ్‌ రాజకీయాల్లోకి వస్తాడా? అనే ప్రశ్నకు సమాధానం చెప్పలేం. ఎందుకంటే ఇప్పటివరకు వీటి గురించి ఎక్కడా మాట్లాడలేదు చరణ్‌. ఇప్పుడెందుకు ఈ రెండు విషయాల గురించి అనుకుంటున్నారా. ఉందీ.. కారణం ఉంది.

ఎందుకంటే ఈ రోజు ఉదయాన్నే చరణ్‌కు (Ram Charan) సంబంధించిన ఓ ఫొటో బయటకు వచ్చింది. అందులో చరణ్‌తోపాటు రాజకీయ నాయకుడు, టాలీవుడ్‌ నిర్మాతలు కనిపిస్తున్నారు. దీంతో అసలు చరణ్‌ను వాళ్లు కలిశారా? లేక చరణే వాళ్లను కలిశాడా అంటూ చర్చ జరుగుతోంది. సోషల్‌ మీడియాలో, టాలీవుడ్‌లో ఇప్పుడు ఈ అంశం గురించి ప్రస్తావన అంతా. అంతలా ఆ ఫొటోలో ఏముంది అని అనుకుంటున్నారా? మీరు కూడా ఆ ఫొటో చూడండి మీకూ డౌట్‌ వస్తుంది.

పోనీ ఫొటోలో కనిపిస్తున్న నిర్మాతలు చరణ్‌తో ఇప్పుడు సినిమా చేస్తున్న వాళ్లా అంటే.. ఒకరు చేస్తున్నారు, ఇంకొకరు లేదు. పోనీ ఆ రాజకీయ నాయకుడు ఏమైనా జనసేనకు చెందినవాడా అంటే.. కాదనే చెప్పాలి. అయితే ఆయన మాత్రం చిరంజీవికి బాగా దగ్గర వ్యక్తి. దీంతో ఈ ఫొటో ఏదో ఫ్యామిలీ, రిలేటివ్స్‌ ఫంక్షన్‌లో క్లిక్‌ మనిపించింది అని అర్థమవుతోంది. ఇంత చెప్పి వారెవరో చెప్పలేదు కదా.

చరణ్‌తో ‘ఆర్‌ఆర్‌ఆర్‌’ సినిమా తీసిన డీవీవీ దానయ్, మైత్రి మూవీ మేకర్స్ నిర్మాత నవీన్ యెర్నేని కనిపిస్తున్నారు. ఇక రాజకీయ నాయకుడు అంటే చిరంజీవి సన్నిహితుడుగా పేరున్న గంటా శ్రీనివాసరావు ఆ ఫొటోలో కనిపించారు. అయితే వీళ్లంతా ఎందుకు, ఎక్కడ కలిశారు అనే వివరణ మాత్రం చరణ్‌ టీమ్‌ నుండి రాలేదు. వస్తే కానీ అసలు విషయం తెలియదు.

ఆ హీరోయిన్ ఎంత రెమ్యునరేషన్ తీసుకుంటుందో తెలిస్తే షాక్ అవుతారు..!

‘బ్రో’ ‘బలగం’ తో పాటు చావు కాన్సెప్ట్ తో రూపొందిన 10 సినిమాల లిస్ట్..
హైప్ లేకుండా రిలీజ్ అయిన 10 పెద్ద సినిమాలు… ఎన్ని హిట్టు… ఎన్ని ప్లాప్?