Prabhas: ‘కన్నప్ప’ లో ప్రభాస్ ఫైట్.. కేవలం హైప్ కోసమా?

మంచు విష్ణు డ్రీమ్ ప్రాజెక్ట్ అయిన ‘కన్నప్ప’ (Kannappa) రిలీజ్‌కు రెడీగా ఉంది. దాదాపు రూ.200 కోట్ల భారీ బడ్జెట్‌తో తెరకెక్కిన ఈ సినిమాలో చాలా మంది స్టార్స్ నటించారు. బాలీవుడ్ స్టార్స్ అక్షయ్ కుమార్ (Akshay Kumar), మలయాళ సూపర్ స్టార్ మోహన్ లాల్ (Mohanlal), కన్నడ స్టార్ శివరాజ్ కుమార్ (Shiva Rajkumar) వంటి హేమాహేమీలతో పాటు, డార్లింగ్ ప్రభాస్ (Prabhas) కూడా నటించారు.

Prabhas

ఈ స్టార్ క్యాస్టింగే ఓపెనింగ్స్‌కు పునాది వేయనుందని అంతా నమ్ముతున్నారు. ముఖ్యంగా ఎక్కువ టికెట్లు తెగేది ప్రభాస్ పేరుమీదే అని ప్రత్యేకంగా చెప్పనవసరం లేదు. ఫస్ట్ షోకే టాక్ తేడా వస్తే, మంచు విష్ణు కెరీర్‌కు ఇది పెద్ద దెబ్బ అవుతుందని కూడా ప్రత్యేకంగా చెప్పనవసరం లేదు. అందుకే ‘కన్నప్ప’ (Kannappa)  టీమ్ దీనికో మాస్టర్ ప్లాన్ వేసింది. అందులో భాగంగా ట్రైలర్లో ప్రభాస్ (Prabhas) విజువల్స్ ఎక్కువగా ఉండేలా చూసుకుంది.

ప్రభాస్ ఫ్యాన్స్ ను ఆ రకంగా ఆకర్షించింది. ఈ సినిమా కోసం ప్రభాస్ (Prabhas) పైసా తీసుకోకుండా నటించాడు. అందుకే అనుకుంట ప్రభాస్ ను విష్ణు గట్టిగా వాడుకున్నాడు. సినిమాలో ప్రభాస్ ఎంట్రీ సెకండాఫ్ లో ఉంటుందని ఇటీవల రైటర్ బి.వి.ఎస్ రవి లీక్ చేశాడు. రుద్ర పాత్రలో ప్రభాస్ విశ్వరూపం చూపిస్తాడని కూడా అతను చెప్పుకొచ్చాడు. దాదాపు 35 నిమిషాల పాటు ఈ పాత్ర ఉంటుందట.

తిన్నడికి జ్ఞానోదయం కలిగించే కీలక సన్నివేశం కోసమే ఈ పాత్రని ప్రవేశపెడతారట. కానీ, డార్లింగ్ ఫ్యాన్స్ ను ఆకట్టుకోవడం కోసం అవసరం లేకపోయినా ఓ ఫైట్ కూడా పెట్టినట్టు తెలుస్తుంది. విష్ణు పాత్రకు, ప్రభాస్ పాత్రకు మధ్య ఓ మాస్ యాక్షన్ సీక్వెన్స్‌ ఉంటుందట. ముందుగా అనుకున్న స్క్రిప్టులో ఈ ఫైట్ లేదు. బలవంతంగా ఇరికించారు అని టాక్ బలంగా వినిపిస్తోంది. చూడాలి మరి ఇందులో ఎంతవరకు నిజముందో..!

హాలీవుడ్‌ సినిమా పట్టేసిన వరలక్ష్మీ.. దర్శకుడు మనకు దగ్గరోడే!