Prabhas: ప్రభాస్ సలార్ లో అవి వాడుతున్నారా?

July 7, 2021 / 10:22 AM ISTByFilmy Focus

Join Us

Prabhas: ప్రభాస్ సలార్ లో అవి వాడుతున్నారా?

వరుస పాన్ ఇండియా ప్రాజెక్ట్ లతో స్టార్ హీరో ప్రభాస్ బిజీగా ఉన్న సంగతి తెలిసిందే. ప్రభాస్ నటిస్తున్న రాధేశ్యామ్ సినిమా ఈ ఏడాదే రిలీజ్ కానుండగా సలార్, ఆదిపురుష్ సినిమాలు వచ్చే ఏడాది విడుదల కానున్నాయి. అయితే ఈ మధ్య కాలంలో ప్రభాస్ పాతకాలపు వాహనాలపై ఎక్కువగా మోజు పడుతున్నారని తెలుస్తోంది. తన సినిమాలలో ప్రభాస్ వింటేజ్ వాహనాలు ఉండేలా జాగ్రత్త పడుతున్నారని సమాచారం. ప్రస్తుతం ప్రభాస్ నటిస్తున్న రాధేశ్యామ్ మూవీ 1970 బ్యాక్ డ్రాప్ లో తెరకెక్కుతుండటంతో అప్పటి కార్లను ఈ సినిమాలో వినియోగించారని తెలుస్తోంది.

ప్రభాస్ కార్లను డ్రైవ్ చేస్తూ రాధేశ్యామ్ సినిమాలో కనిపిస్తారని సమాచారం. ప్రభాస్ సలార్ కోసం కూడా వింటేజ్ వెహికిల్ ను వినియోగిస్తున్నారని ఎన్ ఫీల్డ్ తరహాలో పాతకాలపు బుల్లెట్ ను తయారు చేసి ఈ మూవీలో ఉపయోగిస్తున్నారని సమాచారం. సినిమాలోని ఒక యాక్షన్ సీన్ లో వింటేజ్ బైక్స్ కనిపిస్తాయని తెలుస్తోంది. సలార్ మూవీ యాక్షన్ సన్నివేశాల కొరకు నిర్మాతలు భారీ మొత్తం ఖర్చు చేస్తున్నారని సమాచారం.

హోంబలే ఫిల్మ్స్ బ్యానర్ పై ఈ సినిమా తెరకెక్కుతుండగా వచ్చే ఏడాది ఏప్రిల్ 14వ తేదీన ఈ మూవీ రిలీజ్ కావాల్సి ఉంది. ప్రభాస్ కు జోడీగా ఈ సినిమాలో శృతి హాసన్ నటిస్తున్న సంగతి తెలిసిందే. ప్రస్తుతం ప్రభాస్ నటిస్తున్న సినిమాలు 300 కోట్ల రూపాయల బడ్జెట్ తో తెరకెక్కుతున్నాయి. రాధేశ్యామ్, సలార్ సినిమాలు హిట్టైతే ప్రభాస్ మార్కెట్ మరింత పెరిగే అవకాశం ఉంది.