Chiranjeevi, Salman Khan: మెగా ఫ్యాన్స్‌ కలలు కన్న ఫ్రేమ్‌ ఇదేగా!

చిరంజీవి – సల్మాన్‌ ఖాన్ కలసి స్టెప్పేస్తే చూడటానికి రెండు కళ్లు చాలావు. అలాంటి పాటకు ప్రభుదేవా కొరియోగ్రఫీ చేస్తే ఇంకా అదిరిపోతుంది కదా. ఛ! ఊరుకోండి ఆయన ఇప్పుడు పెద్దగా కొరియోగ్రఫీ చేయడం లేదు కదా అంటారా. ఆగండాగండి ఇలా అనుకుంటున్న వాళ్లందరికీ తమన్‌ ఈ రోజు ఉదయమే ఓ బంపర్‌ న్యూస్‌ షేర్‌ చేశాడు. చిరంజీవి, సల్మాన్‌ ఖాన్‌, ప్రభుదేవా, జయం మోహన్‌రాజాతో కలసి దిగిన ఫొటోను షేర్‌ చేస్తూ ఈ విషయం చెప్పేశాడు.

‘గాడ్‌ఫాదర్‌’ సినిమాలో చిరంజీవి – సల్మాన్‌ ఖాన్‌కు ఓ పాట ఉంటుందని ఆ మధ్య పుకార్లొచ్చాయి. నిజానికి మాతృక ప్రకారం చూసుకుంటే పాటకు ఆస్కారమే లేదు. కానీ జయం మోహన్‌రాజా సినిమాలో పాట పెట్టారట. ఇప్పుడు ప్రభుదేవా ఆ పాటకు కొరియోగ్రఫీ చేస్తున్నారు అని చెప్పడంతో పాట ఉందని కన్‌ఫామ్‌ అయ్యింది, పనిలో పనిగా ముందు వచ్చిన పుకారు కూడా నిజమని తేలింది. చిరంజీవి — ప్రభుదేవా కాంబినేషన్‌లో ఓ సినిమా వచ్చి చాలా రోజులైంది.

దీంతో ఎప్పుడెప్పుడా అని అభిమానులు ఎదురుచూస్తున్నారు. తమన్‌ ఇచ్చే ఫుల్‌ మాస్‌ బీట్స్‌కి ప్రభుదేవా ఎలాంటి స్టెప్పులు వేయిస్తారు అనేది చూడాలి. ఇటీవల కాలంలో ప్రభుదేవా కొరియోగ్రఫీ అంటే… తెలుగులో ఫేమస్‌ కొరియోగ్రాఫర్‌ అయిన జానీ మాస్టర్‌ అక్కడే ఉంటారు. ప్రభుదేవా కాన్సెప్ట్‌కి జానీ మాస్టర్‌ కానీ ఇంకెవరైనా కానీ స్టెప్పులు వేయిస్తారు. మరి ఈ పాటకు ఎవరు స్టెప్పులు వేయిస్తారు అనేది చూడాలి. సినిమా విడుదల తేదీ గురించి ఇప్పటివరకు అధికారికంగా చెప్పలేదు కానీ ఆగస్టు 11న సినిమా విడుదల కానుందని టాక్. ఆగస్టు 11 గురువారం వచ్చింది.

ఆగస్టు 15 సోమవారం వచ్చింది. లాంగ్ వీకెండ్ కావడంతో ఆ డేట్ బెస్ట్ అనుకుంటున్నారట. తమన్‌ ట్వీట్‌లో చెప్పినట్లు ఆగస్ట్‌ 11న బాంబింగ్‌, స్వింగింగ్‌ సాంగ్‌ని థియేటర్స్‌లో చూడొచ్చు. ఈలోపు ఏదైనా గ్లింప్స్‌ పేరుతో చిన్న బిట్‌ విడుదల చేయొచ్చు. సో వెయిట్‌ అండ్‌ సీ.. అండ్‌ ఎంజాయ్‌.

ఆచార్య సినిమా రివ్యూ & రేటింగ్!

Most Recommended Video

కన్మణి రాంబో కటీజా సినిమా రివ్యూ & రేటింగ్!
వీళ్ళు సరిగ్గా శ్రద్ద పెడితే… బాలీవుడ్ స్టార్లకు వణుకు పుట్టడం ఖాయం..!
కే.జి.ఎఫ్ హీరో యష్ గురించి ఈ 12 విషయాలు మీకు తెలుసా..!