Prakash Raj: మహేష్ సినిమాల్లో ప్రకాష్ రాజ్ ఫేవరెట్ మూవీ ఏదో మీకు తెలుసా?

సూపర్ స్టార్ మహేష్ బాబుకు (Mahesh Babu) ప్రేక్షకుల్లో ఊహించని స్థాయిలో క్రేజ్ ఉంది. మహేష్ బాబు ప్రకాష్ రాజ్ (Prakash Raj) కాంబినేషన్ హిట్ కాంబినేషన్ అనే సంగతి తెలిసిందే. కొన్ని సినిమాలలో మహేష్ కు విలన్ గా నటించిన ప్రకాష్ రాజ్, మరికొన్ని సినిమాలలో మహేష్ బాబుకు తండ్రిగా నటించారు. కొన్ని సినిమాలలో కీలక పాత్రలలో నటించి కూడా ప్రకాష్ రాజ్ ప్రేక్షకుల మెప్పు పొందారనే సంగతి తెలిసిందే. ప్రకాష్ రాజ్ రెమ్యునరేషన్ ఒకింత భారీ స్థాయిలో ఉండగా ఒక సందర్భంలో ప్రకాష్ రాజ్ మాట్లాడుతూ ఒక్కడు సినిమా తన ఫేవరెట్ మూవీ అని వెల్లడించారు.

మహేష్ బాబుకు సైతం తన సినిమాలలో ఒక్కడు (Okkadu) సినిమా అంటే ఎంతో ఇష్టమనే సంగతి తెలిసిందే. మరోవైపు సూపర్ స్టార్ మహేష్ బాబు రాజమౌళి (SS Rajamouli) సినిమాతో కెరీర్ పరంగా బిజీగా ఉన్న సంగతి తెలిసిందే. రాజమౌళి సినిమాకు ఎక్కువ సమయం కేటాయిస్తూ ఉండటంతో ఈ సినిమా ఎప్పుడు సెట్స్ పైకి వెళ్తుందనే చర్చ జరుగుతోంది. రాజమౌళి ఈ సినిమాతో కెరీర్ బిగ్గెస్ట్ హిట్ ను సొంతం చేసుకుంటాననే నమ్మకాన్ని కలిగి ఉన్నారు.

విజయేంద్ర ప్రసాద్ ఈ సినిమాకు అద్భుతమైన కథను అందించారని ఇండస్ట్రీ వర్గాల్లో వినిపిస్తోంది. ఈ సినిమా రెమ్యునరేషన్ల కోసమే 300 కోట్ల రూపాయల రేంజ్ లో ఖర్చు చేయనున్నారని తెలుస్తోంది. భారతీయ సినీ చరిత్రలోనే అత్యంత భారీ బడ్జెట్ తో తెరకెక్కిన సినిమాగా మహేష్ రాజమౌళి మూవీ వార్తల్లో నిలిచే అవకాశం అయితే ఉందని అభిప్రాయాలు వ్యక్తమవుతూ ఉండటం గమనార్హం.

మహేష్ రాజమౌళి కాంబో మూవీ చరిత్రను తిరగరాసే మూవీ అవుతుందని కామెంట్లు వ్యక్తమవుతున్నాయి. మహేష్ జక్కన్న కాంబో మూవీ బిజినెస్ పరంగా కూడా చరిత్ర సృష్టించే ఛాన్స్ ఉంది.