Prashanth Neel: 20 ఏళ్లుగా ఫ్యాన్.. 2 ఏళ్లుగా స్నేహం.. ఎన్టీఆర్ పై ప్రశాంత్ నీల్ కామెంట్స్!

ఎలాంటి అంచనాలు లేకుండా విడుదలైన ‘కేజీఎఫ్’ సినిమా ఎంత పెద్ద సక్సెస్ అయిందో తెలిసిందే. ఈ సినిమా చూసిన ఆడియన్స్ సీక్వెల్ ఎప్పుడు వస్తుందా అని ఆసక్తిగా ఎదురుచూస్తున్నారు. ఎట్టకేలకు ‘కేజీఎఫ్2’ విడుదలకు సిద్ధమైంది. ఏప్రిల్ 14న ప్రపంచవ్యాప్తంగా ఈ సినిమా ప్రేక్షకుల ముందుకు రానుంది. ఈ సినిమాతో హీరో యష్, దర్శకుడు ప్రశాంత్ నీల్ లకు భారీ క్రేజ్ వచ్చింది. దీంతో ఇద్దరికి వరుస అవకాశాలు వస్తున్నాయి. ప్రస్తుతం ప్రశాంత్ నీల్.. ప్రభాస్ హీరోగా ‘సలార్’ అనే సినిమాను తెరకెక్కిస్తున్నారు.

షూటింగ్ దశలో ఉన్న ఈ సినిమాలో ప్రభాస్ డాన్ తరహా క్యారెక్టర్ లో కనిపించనున్నారు. ఈ సినిమా పూర్తయిన తరువాత ఎన్టీఆర్ సినిమాను మొదలుపెట్టనున్నారు ప్రశాంత్ నీల్. ఈ క్రమంలో తాజాగా ఎన్టీఆర్ సినిమా గురించి మాట్లాడారు. స్క్రిప్ట్ ఎన్టీఆర్ కి బాగా నచ్చిందని.. ప్రస్తుతం స్క్రిప్ట్ మీద వర్క్ చేస్తున్నట్లు చెప్పారు. అయితే ఈ సినిమా మొదలుపెట్టడానికి ముందు ఎన్టీఆర్ తో కలిసి ట్రావెల్ చేస్తున్నానని.. ఆయన్ను మరింత అర్ధం చేసుకోవాలని అన్నారు.

తన ప్రతి సినిమా విషయంలో ఈ పద్ధతి ఫాలో అవుతానని అన్నారు. ఇప్పటివరకు పది, పదిహేను సార్లు ఎన్టీఆర్ ని కలిశానని అన్నారు. అలానే ఎన్టీఆర్ కి తను పెద్ద ఫ్యాన్ అని చెప్పుకొచ్చారు. గత 20 ఏళ్లుగా ఎన్టీఆర్ కి అభిమానినని.. రెండేళ్లుగా ఇద్దరి మధ్య స్నేహం ఏర్పడిందని అన్నారు. ఎన్టీఆర్ లాంటి హీరోని డైరెక్ట్ చేసే అవకాశం వచ్చిందని చాలా ఎగ్జైటింగ్ గా ఉందని అన్నారు. అలానే సినిమా ఏ జోనర్ అని ప్రశ్నిస్తే..

అది మాత్రం అడగొద్దని.. ‘సలార్’ సినిమా విడుదలకు రెడీ అయ్యే సమయంలో ఎన్టీఆర్ సినిమా గురించి మాట్లాడతానని అన్నారు. ఈ ఏడాదిలోనే ఎన్టీఆర్-ప్రశాంత్ నీల్ సినిమా మొదలుకానుంది. మైత్రి మూవీ మేకర్స్ బ్యానర్ పై భారీ బడ్జెట్ తో సినిమాను రూపొందించనున్నారు.

‘ఆర్.ఆర్.ఆర్’ మూవీ నుండీ అదిరిపోయే 20 డైలాగులు..!

Most Recommended Video

‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
‘ప్రతిఘటన’ తో గోపీచంద్ తండ్రి టి.కృష్ణ దర్శకత్వం వహించిన సినిమాల లిస్ట్..!
5 ఏళ్ళ కెరీర్ లో రష్మిక మందన మిస్ చేసుకున్న సినిమాల లిస్ట్..!