పవన్, సాయితేజ్ కాంబినేషన్ లో తెరకెక్కిన బ్రో మూవీలో ప్రియా వారియర్ ఒక హీరోయిన్ గా నటించిన సంగతి తెలిసిందే. తెలుగులో ఇప్పటివరకు సరైన సక్సెస్ లేని ప్రియా వారియర్ బ్రో సినిమా ప్రమోషన్స్ లో భాగంగా మాట్లాడుతూ ఆసక్తికర వ్యాఖ్యలు చేశారు. వినోదాయ సిత్తం మూవీ చూశానని ఆ సినిమా నాకు చాలా నచ్చిందని ప్రియా వారియర్ అన్నారు. లుక్ టెస్ట్ చేసి ఈ సినిమాలో ఎంపిక చేశారని ఆమె తెలిపారు.
పవన్ తో కలిసి నటించడం సంతోషంగా ఉందని ప్రియా వారియర్ చెప్పుకొచ్చారు. కెరీర్ తొలినాళ్లలోనే పవన్ తో నటించడం ఆశీర్వాదమని భావిస్తానని ప్రియా వారియర్ పేర్కొన్నారు. పవన్ తన యాక్టింగ్ తో మ్యాజిక్ చేస్తారని పవన్ సెట్ లో అడుగు పెడితే ఏదో అనుభూతి కలుగుతుందని అది మాటల్లో చెప్పలేమని ఆమె అన్నారు. పవన్ గొప్పదనం ఇదేనంటూ ప్రియా వారియర్ పేర్కొన్నారు.
సరైన మార్గంలో గైడ్ చేసేవాళ్లు లేకపోవడం వల్లే నేను నటించిన కొన్ని సినిమాలు ఆశించిన ఫలితాన్ని సొంతం చేసుకోలేదని ఆమె చెప్పుకొచ్చారు. చిన్నప్పటి నుంచి గొప్ప నటిని కావాలని అనుకున్నానని ఆ దిశగానే అడుగులు వేశానని ప్రియా వారియర్ వెల్లడించారు. మాతృకతో పోల్చి చూస్తే ఎన్నో మార్పులు జరిగాయని ప్రధాన పాత్రల నిడివి పెరిగిందని ఆమె వెల్లడించారు.
పవన్ కళ్యాణ్ కాంబినేషన్ లో ఎక్కువ సీన్లు లేవని ఆయన చాలా కామ్ గా ఉంటారని ప్రియా వారియర్ అన్నారు. సముద్రఖని డైరెక్షన్ లో పని చేయడం చాలా సంతోషంగా ఉందని ఆమె వెల్లడించారు. సాయితేజ్ సెట్స్ లో చాలా సరదాగా ఉంటారని ప్రియా వారియర్ పేర్కొన్నారు. పీపుల్ మీడియా బ్యానర్ లో చేయడం ఆనందంగా ఉందని తొలిసారి పెద్ద బ్యానర్ లో చేశానని ఆమె వెల్లడించారు.
పాత్ర కోసం ఇష్టాలను పక్కన పడేసిన నటులు వీళ్లేనా..!
సీరియల్ హీరోయిన్స్ రెమ్యూనరేషన్ తెలిస్తే మతిపోతోంది !
ఈ వారం థియేటర్/ ఓటీటీల్లో సందడి చేయబోతున్న 19 సినిమాలు/ సిరీస్ లు
