భారతీయ సినిమా పరిశ్రమలో అత్యంత భారీ పాన్‌ ఇండియా సినిమా నిర్మిస్తున్నారు డీవీవీ దానయ్య. ఆయన నిర్మాణంలో తెరకెక్కిన ‘ఆర్‌ఆర్‌ఆర్‌’ త్వరలో ప్రేక్షకుల ముందుకు రానుంది. ఇంత పెద్ద సినిమా తీస్తున్నప్పుడు… దాని ఫలితం మీద నిర్మాతగా ఆయనకు ఎంతో టెన్షన్‌ ఉంటుంది అనుకుంటారు. కానీ ఆయనను చూస్తుంటే అలా అనిపించడం లేదు. ఆ సినిమా అయిపోయిందిగా… ఇక కొత్త సినిమాల సంగతేంటి అంటూ ఫ్యూచర్‌ లైనప్‌ మీద దృష్టి పెట్టారు.
దానయ్య ప్రొడక్షన్‌ హౌస్‌లో ప్రస్తుతం ఐదు సినిమాల ఆలోచనలు ఉన్నాయంటే అర్థం చేసుకోవచ్చు పరిస్థితి. దీంతో దానయ్యా… నీ ప్లానింగ్‌ సూపరయ్యా అంటున్నారు నెటిజన్లు. ఓసారి ఆయన లైన్ చూసే ప్రయత్నం చేస్తే… అన్నీ భారీ చిత్రాలే. అందులో కొన్ని పాన్‌ ఇండియా సినిమాలు కూడా ఉన్నాయంటున్నారు. చిరంజీవి – వెంకీ కుడుముల కాంబినేషన్‌లో ఓ సినిమాను ఇటీవల అనౌన్స్‌ చేశారు. ఈ సినిమా త్వరలోనే ప్రారంభమవుతుందని సమాచారం. ఇది కాకుండా మరో నాలుగు సినిమాల ప్లాన్స్‌ రెడీ చేస్తున్నారట.
చిరంజీవి సినిమా తర్వాత డీవీవీ మూవీస్‌ నుండి స్టార్ట్‌ అయ్యే సినిమా ప్రభాస్‌ – మారుతిల ‘రాజా డీలక్స్‌’. ఈ సినిమాకు సంబంధించి ఇప్పటివరకు ఎక్కడా అఫీషియల్‌ సమాచారం లేదు. అయితే ప్రీ ప్రొడక్షన్‌ పనులు అయితే జరిగిపోతున్నాయని మాత్రం సమాచారం. స్క్రిప్ట్‌ కొలిక్కి వచ్చిందని, సినిమా కోసం సెట్స్‌ రెడీ చేస్తున్నారని వార్తలు. ఈ సినిమాకు డీవీవీ దానయ్యే నిర్మాత అని సమాచారం. దీంతో పాటు మెగా కాంపౌండ్‌లో మరో రెండు సినిమాలు చేయనున్నారట డీవీవీ దానయ్య.
రామ్‌చరణ్‌ – ప్రశాంత్‌ నీల్ కాంబినేషన్‌లో ఓ సినిమా ఉందని ఆ మధ్య అనౌన్స్‌ చేశారు. ఎప్పుడు, ఏంటి అనేది చెప్పలేదు కానీ… ఈ సినిమాకు డీవీవీ దానయ్యనే నిర్మాత. త్వరలోనే పూర్తి సమాచారం రావొచ్చు. ఇది కాకుండా పవన్‌ కల్యాణ్‌ – సుజీత్‌ కాంబోలో ఓ కాన్సెప్ట్‌ ఓకే అయ్యిందంటున్నారు. తమిళ సూపర్‌ హిట్‌ ‘తెరి’ని తెలుగులోకి తీసుకొస్తారని సమాచారం. అయితే ఇప్పటికే ఈ సినిమా తెలుగులో విడుదలైంది కూడా. మరి అదే చేస్తారా? అంటే గతంలో పవన్‌ ఇలాంటి సినిమాలు చేసున్నారు కాబట్టి అవుననే సమాధానం వస్తోంది.
ఈ సినిమాలు కాకుండా నాగచైతన్యతో కూడా ఓ సినిమా ఉంది. సో ఐదు సినిమాలతో దానయ్య లైనప్‌ రెడీ. మీరు చూడటానికి రెడీయా?
Most Recommended Video
‘భీమ్లా నాయక్’ లోని అదిరిపోయే డైలాగులు ఇవే..!
సెలబ్రిటీ కపుల్స్ నయా ట్రెండ్.. ‘సరోగసీ’..!
చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
