లాభాలు తెచ్చిపెట్టిన రానా చిత్రం.. ఓటిటిలో బ్లాక్ బస్టర్ ఇదే..!

కరోనా వైరస్ కారణంగా ఏర్పడిన లాక్ డౌన్ వల్ల థియేటర్లు మూతపడడంతో ఎన్నో చిత్రాల విడుదల ఆగిపోయిన సంగతి తెలిసిందే. ఈ క్రమంలో ఆ సినిమాల క్రేజ్ తగ్గిపోయేలోపే ఓటిటికి అమ్మేసి చేతులు దులిపేసుకుంటున్నారు దర్శకనిర్మాతలు.’పెంగ్విన్’ ‘వి’ ‘నిశ్శబ్దం’ ‘ఒరేయ్ బుజ్జిగా’ వంటి చిత్రాలు ఈ వంకతో సేఫ్ అయిపోయాయి. అయితే డైరెక్ట్ గా ఓటిటిలో విడుదలయ్యి సూపర్ హిట్ అయిన చిత్రాలలో ‘కృష్ణ అండ్ హిజ్ లీలా’ ముందుంటుందని చెప్పాలి.

‘క్షణం’ వంటి సూపర్ హిట్ చిత్రాన్ని అందించిన రవికాంత్ పేరెపు ఈ చిత్రానికి దర్శకుడు. నిజానికి 3ఏళ్ళ క్రితమే ఈ చిత్రం విడుదలకావాల్సి ఉంది. కానీ కొన్ని కారణాల వల్ల ఆగిపోయింది. అయితే మన రానా ఈ చిత్రాన్ని కొనుగోలు చేసి ఓటిటిలో విడుదల చేసాడు. 1.3కోట్ల బడ్జెట్ తో ఈ చిత్రాన్ని నిర్మించారు నిర్మాత సంజయ్ రెడ్డి. తరువాత ‘సురేష్ ప్రొడక్షన్స్’ బ్యానర్ పై రానా 1.8కోట్లకు ఈ చిత్రం హక్కులను కొనుగోలు చేసాడు. అటు తరువాత నెట్ ఫ్లిక్స్ వారికి 2.4 కోట్లకు మరియు ఆహా సంస్థలకు 2.2 కోట్లకు అమ్మారు.

ఇక వ్యూకౌంట్ ను ఆధారం చేసుకుని.. నెట్ ఫ్లిక్స్ ద్వారా ఈ చిత్రం రూ.3.5 కోట్లను, ఆహా ద్వారా రూ.2.6 కోట్లను రాబట్టిందట. ఇక సినిమాకి హిట్ టాక్ రావడంతో శాటిలైట్ రైట్స్ 1.5 కోట్లకు అలాగే హిందీ డబ్బింగ్ రైట్స్ 0.6 కోట్లకు అమ్ముడయినట్టు కూడా తెలుస్తుంది. ఈ రకంగా ‘కృష్ణా అండ్ హిజ్ లీల’ చిత్రానికి మంచి లాభాలు దక్కాయని సమాచారం.

Most Recommended Video

చిన్నపిల్లలుగా మారిపోయిన ‘బిగ్ బాస్4’ కంటెస్టెంట్స్.. ఎలా ఉన్నారో మీరే చూడండి..!
‘సర్జరీ’ చేయించుకున్న హీరోయిన్లు వీళ్ళే!
భీభత్సమైన బ్లాక్ బస్టర్ ఇచ్చిన హీరోలే తరువాత భయంకరమైన డిజాస్టర్లు కూడా ఇచ్చారు…!