Pawan Kalyan: ఆ హీరో పవన్ వల్లే పేరు మార్చుకున్నారా..?

టాలీవుడ్ ఇండస్ట్రీలో క్రేజ్ విషయంలో, ఫ్యాన్ ఫాలోయింగ్ విషయంలో పవన్ కళ్యాణ్ ముందువరసలో ఉంటారనే సంగతి తెలిసిందే. తన సినిమాల ద్వారా పవన్ కలెక్షన్లపరంగా ఎన్నో రికార్డులను సొంతం చేసుకున్నారు. పవర్ స్టార్ అనే బిరుదు వినగానే ఫ్యాన్స్ మైండ్ లో మొదట పవన్ కళ్యాణ్ మెదులుతారు. అయితే శాండిల్ వుడ్ హీరో పునీత్ రాజ్ కుమార్ ను కూడా ఆయన అభిమానులు పవర్ స్టార్ అని పిలుచుకుంటారనే సంగతి తెలిసిందే.

తాజాగా ఒక ఇంటర్వ్యూలో పాల్గొన్న పునీత్ రాజ్ కుమార్ పవన్ కళ్యాణ్ గురించి మాట్లాడుతూ ఆసక్తికర వ్యాఖ్యలు చేశారు. చైల్డ్ ఆర్టిస్ట్ గా సినిమాల్లోకి ఎంట్రీ ఇచ్చిన పునీత్ రాజ్ కుమార్ నటుడిగా ఎన్నో ఘనవిజయాలను సొంతం చేసుకున్న సంగతి తెలిసిందే. బాలనటుడిగా పునీత్ జాతీయ అవార్డును కూడా సొంతం చేసుకోవడం గమనార్హం. తాజాగా పునీత్ మాట్లాడుతూ తన పేరు ముందు ఉన్న పవర్ స్టార్ బిరుదును తీసేస్తున్నానని వెల్లడించారు.

పవన్ కళ్యాణ్ సార్ మాత్రమే పవర్ స్టార్ అని ఇకపై తనను పవర్ స్టార్ అని పిలవవద్దని పునీత్ రాజ్ కుమార్ అభిమానులకు సూచనలు చేశారు. పవన్ ను తాను చాలాసార్లు కలిశానని పవన్ ఎంతో ఆప్యాయంగా మాట్లాడతారని పునీత్ తెలిపారు. పవన్ చాలా మంచి వ్యక్తి అని ఆ మంచితనం వల్లే ఆయన పవర్ స్టార్ అయ్యారని పునీత్ రాజ్ కుమార్ చెప్పుకొచ్చారు. పవన్ తన చిన్నప్పటి సినిమాలను కూడా చూశానని చెప్పాడని అలా చెప్పడంతో తాను చాలా సంతోషించానని పునీత్ రాజ్ కుమార్ అన్నారు.
Most Recommended Video

బాలకృష్ణ మిస్ చేసుకున్న సినిమాల లిస్ట్.. హిట్లే ఎక్కువ..!
సింహా టైటిల్ సెంటిమెంట్ బాలయ్యకి ఎన్ని సార్లు కలిసొచ్చిందో తెలుసా?
26 ఏళ్ళ ‘పెదరాయుడు’ గురించి ఈ 10 సంగతులు మీకు తెలుసా?