Ravi Teja, Puri Jagannadh: రవితేజ మూవీ అందుకే ఫ్లాపైందట!

డేరింగ్ అండ్ డాషింగ్ డైరెక్టర్ పూరీ జగన్నాథ్ సినీ కెరీర్ లో ఎన్నో బ్లాక్ బస్టర్ హిట్లు ఉండగా కొన్ని చెత్త సినిమాలు కూడా అతని కెరీర్ లో ఉన్నాయి. పూరీ జగన్నాథ్ తనకు కథ నచ్చితే మాత్రమే సినిమాను తెరకెక్కిస్తారు. అయితే తాను డైరెక్షన్ చేసిన సినిమాలలో ఒక మూవీ మాత్రం చెత్త మూవీ అని పూరీ జగన్నాథ్ కామెంట్లు చేశారు. భిన్నమైన టైటిల్స్ తో హిట్లు సాధిస్తున్న పూరీ జగన్నాథ్ సినిమాల్లో డైలాగ్స్ కూడా ప్రత్యేకంగా ఉంటాయి.

ఇడియట్, పోకిరి, దేశముదురు, టెంపర్ సినిమాలలో హీరోలను కొత్తగా చూపించిన పూరీ జగన్నాథ్ ఆ సినిమాలతో హిట్ రిజల్ట్ ను సొంతం చేసుకున్నారు. పూరీ డైరెక్షన్ లో వచ్చిన చాలా సినిమాలు ఇతర భాషల్లో కూడా రీమేక్ కావడం గమనార్హం. రవితేజ పూరీ జగన్నాథ్ కాంబినేషన్ లో వచ్చిన ఇట్లు శ్రావణి సుబ్రమణ్యం, ఇడియట్, అమ్మ నాన్న ఓ తమిళమ్మాయి సినిమాలు ఒక సినిమాను మించి మరొకటి సక్సెస్ సాధించాయి.

రవితేజకు హ్యాట్రిక్ హిట్లు ఇచ్చిన డైరెక్టర్ గా పూరీ జగన్నాథ్ కు పేరుంది. పూరీ జగన్నాథ్ రవితేజ కాంబోలో వచ్చిన నేనింతే సినిమా ఫ్లాప్ అయినా ఆ సినిమాకు విమర్శకుల ప్రశంసలు దక్కాయి. రవితేజతో ఇడియట్2 తెరకెక్కించాలని ప్లాన్ చేసిన పూరీ జగన్నాథ్ కు కథ సరిగ్గా సెట్ కాలేదు. దీంతో పూరీ జగన్నాథ్ రవితేజతో దేవుడు చేసిన మనుషులు సినిమా తీశారు. ఆ సినిమాలో అనుకున్న పాయింట్ ను సరిగ్గా చెప్పలేకపోయానని తన లైఫ్ లో తీసిన చెత్త సినిమా అదేనని పూరీ జగన్నాథ్ చెప్పుకొచ్చారు.

Most Recommended Video

Most Recommended Video