ఐకాన్ స్టార్ అల్లు అర్జున్ (Allu Arjun) నటిస్తున్న పాన్-ఇండియా చిత్రం ‘పుష్ప 2: ది రూల్’ (Pushpa 2: The Rule) పై అంచనాలు తారాస్థాయికి చేరాయి. డిసెంబర్ 5న ఈ చిత్రం విడుదల కావాల్సి ఉండగా, షూటింగ్ ఆలస్యం కారణంగా వాయిదా పడుతుందనే ప్రచారం సోషల్ మీడియాలో హల్‌చల్ చేస్తోంది. అయితే, టీమ్ నుంచి క్లారిటీ రావడంతో ఈ ఊహాగానాలకు తెరపడింది. సినిమాకు సంబంధించి కీలకమైన షూటింగ్ పార్ట్ ఇంకా పూర్తి కాలేదని, దీంతో ఫైనల్ కాపీ సిద్ధమవ్వకపోవచ్చని ట్రేడ్ సర్కిల్స్ నుంచి సమాచారం వచ్చింది.
ముఖ్యంగా, క్లైమాక్స్ యాక్షన్ ఎపిసోడ్స్, ఐటెం సాంగ్ వంటి కీలక భాగాలు ఇంకా కంప్లీట్ చేయాల్సి ఉందని టాక్. ఈ నేపథ్యంలో, నవంబర్ చివరి వారంలో మాత్రమే మొత్తం షూటింగ్ పూర్తి అయ్యే అవకాశం ఉందని తెలుస్తోంది. ఈ ప్రచారం పట్ల స్పందించిన ‘పుష్ప 2’ టీమ్, ట్విట్టర్ ద్వారా స్పష్టతనిచ్చింది. “డిసెంబర్ 5న మూవీ రిలీజ్. తగ్గేదిలే!” అంటూ అఫీషియల్ హ్యాండిల్ నుంచి ఓ పోస్టు షేర్ చేయడంతో, అభిమానులు ఊపిరిపీల్చుకున్నారు.
సినిమా విడుదలకు టీమ్ సమయానికి సిద్ధమవుతుందని, పోస్ట్ ప్రొడక్షన్ పనులు శరవేగంగా జరుగుతున్నాయని తెలుస్తోంది. సుకుమార్ (Sukumar) దర్శకత్వంలో రూపొందుతున్న ఈ చిత్రానికి సంబంధించిన ప్రమోషన్ కార్యక్రమాలను అల్లు అర్జున్ చూసుకుంటున్నారు. ఇక పాటల విషయానికి వస్తే, శ్రీలీల (Sreeleela) డాన్స్ చేసిన ఐటెం సాంగ్ ట్రెండ్ సెట్ చేసే అవకాశం ఉందని ట్రేడ్ పండితులు అభిప్రాయపడుతున్నారు.
ఈ పాట ‘ఊ అంటావా’ పాటకు ధీటుగా ఉండబోతోందట. పాట విడుదల కార్యక్రమం చెన్నైలో జరుగుతుండగా, అల్లు అర్జున్ కూడా ఈ ఈవెంట్‌లో పాల్గొనబోతున్నాడు. ప్రస్తుతం ‘పుష్ప 2’ టీమ్ రెండు-మూడు యూనిట్లుగా విడిపోయి పని చేస్తోంది. ఒక వైపు షూటింగ్, మరోవైపు పోస్ట్ ప్రొడక్షన్ పనులు నిరంతరాయంగా సాగుతున్నాయి.
Home
