ఆ ఇద్దరూ కలిసి ‘పెళ్లి సందడి’ వంటి క్లాసిక్ ను చెడగొట్టెయ్యరు కదా..!

October 10, 2020 / 05:21 PM ISTByFilmy Focus

Join Us

ఆ ఇద్దరూ కలిసి ‘పెళ్లి సందడి’ వంటి క్లాసిక్ ను చెడగొట్టెయ్యరు కదా..!

1996వ సంవత్సరంలో జనవరి 12న విడుదలైన ‘పెళ్లి సందడి’ చిత్రం ఎంత పెద్ద హిట్ అయ్యిందో ప్రత్యేకంగా చెప్పనవసరం లేదు. కె.రాఘవేంద్ర రావు గారి డైరెక్షన్లో తెరకెక్కిన ఈ చిత్రానికి 100రోజుల వరకూ నాన్ స్టాప్ గా హౌస్ ఫుల్ బోర్డులు పడ్డాయి..! ఈ చిత్రం కొన్న బయ్యర్లకు పది రెట్లు లాభాలు దక్కాయి. ఇప్పటికీ ఈ చిత్రాన్ని బుల్లితెర చూసి ఎంజాయ్ చేస్తూనే ఉన్నారు ప్రేక్షకులు. అయితే 14ఏళ్ళ తరువాత ‘పెళ్లి సందడి’ పేరుతో ఓ సినిమా చెయ్యబోతున్నట్టు తాజాగా దర్శకుడు కె.రాఘవేంద్ర రావు గారు ప్రకటించారు.

అయితే ఈ చిత్రాన్ని ఆయన డైరెక్ట్ చేస్తున్నారా లేదా అన్న విషయాన్ని కానీ.. హీరో, హీరోయిన్లు ఎవరు అన్న విషయాన్ని కానీ అనౌన్స్ చెయ్యలేదు. అయితే.. సాంకేతిక నిపుణుల గురించి మాత్రం క్లారిటీ ఇచ్చారు. ఈ చిత్రానికి సంగీతం కీరవాణి అందించనున్నారు. లిరిసిస్ట్ చంద్రబోస్ సాహిత్యం అందించనున్నారు. ‘ఆర్కా మీడియా’ వారు కూడా సహా నిర్మాతలుగా వ్యవహరించనున్నారు.

అంతా బానే ఉంది కానీ సీనియర్ రచయితలు శివశక్తి దత్తా(కీరవాణి తండ్రి), శ్రీధర్ సీపాన లను రైటర్స్ గా పెట్టుకోవడం కలవరపెట్టే విషయం.ఈ టైములో ‘పెళ్లి సందడి’ పేరుతో సినిమా తీసి మెప్పించడమే పెద్ద సాహసం. అలాంటిది ఇప్పటి ట్రెండ్ కు తగ్గ రైటర్స్ ను కాకుండా అలాంటి పాత రైటర్స్ ను పెట్టుకోవడం అంటే పెద్ద రిస్క్ చేస్తున్నట్టే అని చెప్పాలి.