రాజమౌళి (S. S. Rajamouli) ప్రస్తుతం మహేష్ బాబు (Mahesh Babu) తో ఓ భారీ పాన్ వరల్డ్ మూవీ చేస్తున్నాడు. ఆల్రెడీ 2 షెడ్యూల్స్ కంప్లీట్ అయ్యాయి. ఇప్పుడు 3వ షెడ్యూల్ కూడా మొదలుపెట్టారు. హైదరాబాద్ శివార్లలో వేసిన కాశీ సెట్లో కీలక షెడ్యూల్ నిర్వహిస్తున్నట్లు టాక్ నడుస్తుంది. మహేష్ బాబుతో (Mahesh Babu) పాటు మలయాళ స్టార్ హీరో పృథ్వీరాజ్ సుకుమారన్ (Prithviraj Sukumaran) కూడా ఈ సినిమాలో కీలక పాత్ర పోషిస్తున్నాడు.
అలాగే గ్లోబల్ బ్యూటీ ప్రియాంక చోప్రా కూడా ముఖ్య పాత్ర పోషిస్తుంది. అలాగే తమిళ హీరో మాధవన్ కూడా ఈ సినిమాలో ముఖ్య పాత్రకి ఎంపికైనట్టు టాక్ నడిచింది. కానీ దానిపై ఇంకా క్లారిటీ రావాల్సి ఉంది. ఈ బడా ప్రాజెక్టుతో బిజీగా ఉండి కూడా రాజమౌళి ఇప్పుడు ఓ వీడియో గేమ్ పనులు పెట్టుకున్నట్టు తెలుస్తుంది.
విషయం ఏంటంటే… రాజమౌళి త్వరలో ఓ వీడియో గేమ్లో కనిపించబోతున్నారు. హిడియో కొజిమ వీడియో గేమ్ ల గురించి చాలా మందికి తెలిసే ఉంటుంది. ఆయన రూపొందించిన సూపర్ సక్సెస్ గేమ్ ‘డెత్ స్ట్రాండింగ్’. దీని సెకండ్ వెర్షన్ త్వరలో రానుంది. ఇందులో రాజమౌళి (S. S. Rajamouli) అలాగే ఆయన తనయుడు కార్తికేయ కనిపించబోతున్నారు.
నార్మన్ రీడస్, ఎల్లీ ఫానింగ్ వంటి వారితో పాటు రాజమౌళి (S. S. Rajamouli), కార్తికేయ కూడా ఇందులో భాగం అవ్వడం జరిగింది. జూన్ 26 నుండి ప్లే స్టేషన్ ఈ గేమ్ అందుబాటులోకి రానుంది. ఇందులో రాజమౌళి పోషిస్తున్న పాత్ర కామెడీ టచ్ తో ఉంటుందని తెలుస్తుంది. ఇక ఈ గేమ్ లో భాగంగా రాజమౌళికి సంబంధించిన వీడియోలు ఇప్పుడు వైరల్ గా మారాయి.
Home