Rajamouli, Nani: రాజమౌళి పై నాని ఆసక్తికర వ్యాఖ్యలు!

‘దసరా’ సినిమా ప్రమోషన్ల కోసం నాని నార్త్ లో తెగ తిరుగుతున్నాడు. చిన్న పెద్ద అనే తేడా లేకుండా ప్రతి మీడియాకి ఇంటర్వ్యూ ఇస్తున్నాడు. నాని నటించిన తొలి పాన్ ఇండియా మూవీ ఇది. అందుకే నెల రోజులు నాన్ స్టాప్ గా ఈ చిత్రాన్ని అన్ని భాషల్లోనూ ప్రమోట్ చేయాలని డిసైడ్ అయ్యాడు. ముంబైలో పలు మాల్స్ కు కూడా వెళ్ళడానికి నాని ఇంట్రెస్ట్ చూపిస్తున్నాడు. ‘లైగర్’ యూనిట్ కూడా ఇలాగే ప్రమోషన్ల కోసం మాల్స్ లో తెగ తిరిగారు.

ఫలితంగా సినిమా ఇక్కడ ప్లాప్ అయినా అక్కడ సేఫ్ అయ్యింది. ఇప్పుడు ‘దసరా’ యూనిట్ కూడా అదే ప్లానింగ్ తో ముందుకు వెళ్తుంది. ఈ క్రమంలో ఓ ఛానల్ కు ఇచ్చిన ఇంటర్వ్యూలో నాని ఎస్ ఎస్ రాజమౌళి గురించి కొన్ని ఇంట్రెస్టింగ్ కామెంట్స్ చేశాడు. నాని మాట్లాడుతూ… ” ఇండియన్ సినిమా అనగానే అందరూ దక్షిణాది వైపు చూసేలా చేశారు రాజమౌళి. ఆయన అసాధ్యం అనుకున్నది సుసాధ్యం చేసి చూపించగలరు.

ఆయన షూటింగ్ టైంలో ప్రతి సీన్ ను ఎంతో పరిశీలిస్తారు, ఒక సీన్ ను వివరించే టైంలో కానీ, దాన్ని రాసుకునే టైంలో కానీ ఒకటికి రెండు సార్లు ఆలోచిస్తారు రాజమౌళి. ఎవరికీ రాని ఆలోచనలు ఆయనకే వస్తాయి, ఎవరూ చేయని పనులు ఆయన సక్సెస్ ఫుల్ గా చేసి చూపిస్తాడు. ‘బాహుబలి ది బిగినింగ్’ ‘బాహుబలి ది కన్ క్లూజన్’ ‘ఆర్.ఆర్.ఆర్’ వంటివి అందుకు బెస్ట్ ఎగ్జాంపుల్స్ గా చెప్పుకోవచ్చు. ‘ఆర్ఆర్ఆర్’ లో నాటు నాటు పాటకు కచ్చితంగా ఆస్కార్ వస్తుంది.

తెలుగు మాస్ పాట వరల్డ్ వైడ్ గా ఉన్న ఆడియన్స్ దృష్టిని ఆకర్షించింది. ‘నాటు నాటు’ తో ఇది ఆరంభం మాత్రమే. ఇండియన్ సినిమాలు ఎప్పటికీ చాలా స్పెషల్” అంటూ నాని చెప్పుకొచ్చాడు. ఇక ‘దసరా’ మూవీ మార్చి 30న విడుదల కాబోతోంది. అతి త్వరలో ట్రైలర్ కూడా ప్రేక్షకుల ముందుకు రానుంది.

ఫస్ట్‌డే కోట్లాది రూపాయల కలెక్షన్స్ కొల్లగొట్టిన 10 మంది ఇండియన్ హీరోలు వీళ్లే..!
ఆరడగులు, అంతకంటే హైట్ ఉన్న 10 మంది స్టార్స్ వీళ్లే..!

స్టార్స్ కి ఫాన్స్ గా… కనిపించిన 11 మంది స్టార్లు వీళ్ళే
ట్విట్టర్ టాప్ టెన్ ట్రెండింగ్‌లో ఉన్న పదిమంది సౌత్ హీరోలు వీళ్లే..!