బాహుబలితో దర్శక ధీరుడు ఎస్.ఎస్.రాజమౌళి స్థాయి పెరిగింది. ఇక ఆయన ఎంచుకునే కథల పరిధి దేశాన్ని దాటింది. అందుకే జక్కన్న బాహుబలి 2 తర్వాత మహాభారతాన్ని వెండితెరపై ఆవిష్క రించనున్నట్లు సమాచారం. ఇది అతి పెద్ద మల్టీస్టారర్ మూవీగా రికార్డు సృష్టించనుంది. ఇందులో పాత్రలకు తగినట్లు నటించే నటుల అన్వేషణలో రాజమౌళి ఉన్నారు. అయితే ఈ భారీ చిత్రంలో యంగ్ టైగర్ ఎన్టీఆర్ నటిస్తాడా? అనే అభిమానుల అనుమానాలను జక్కన్న ముందుగానే తొలిగించారు. తారక్ కోసమే మహాభారతం, అతను లేకుండా ఈ సినిమా ఉండదని రాజమోళి స్పష్టం చేసినట్లు తెలిసింది.
అయితే ఎన్టీఆర్ పోషించే పాత్రను ముందుగా రివీల్ చేయడానికి ఆయన ఒప్పుకోలేదు. యంగ్ టైగర్ సినిమా స్టూడెంట్ నంబర్ 1 ద్వారా జక్కన్న దర్శకుడిగా పరిచయమయ్యాడు. అప్పటి నుంచి వీరిద్దరి మధ్య స్నేహం కొనసాగుతుంది. వీరి కాంబినేషన్లో వచ్చిన సింహాద్రి, యమదొంగ సూపర్ హిట్ అయ్యాయి. అప్పటినుంచి వీరి కాంబినేషన్ లో మళ్లీ సినిమా ఎప్పుడొస్తుందా ? అని ఎదురుచూస్తున్న అభిమానులు త్వరలోనే ఈ చిత్రానికి సంబంధించిన అధికారిక ప్రకటన విననున్నారు.
Home