రాజమౌళి నెక్స్ట్ హీరో ఎన్టీఆర్.. నాని

బాహుబలి సినిమాతో రాజమౌళి పేరు విశ్వవ్యాప్తం అయింది. బాహుబలి కంక్లూజన్ ఏప్రిల్ 28 న రిలీజ్ అయి జక్కన్నకు మరింత క్రేజ్ తీసుకురానుంది. ఈ క్రేజ్ ఒంటరిగా రాదు.. బోలెడన్ని అవకాశాలను తెచ్చిపెడుతుంది.  బాహుబలి తర్వాత అంతకంటే భారీ ప్రాజెక్ట్ చేసే అవకాశమున్నప్పటికీ జక్కన్న ఆ ఆఫర్లను పక్కన పెట్టినట్లు తెలిసింది. ఎందుకని ఆరా తీయగా.. తన సినిమాలపై అంచనాలు పెరిగిపోతున్నాయి. ఆ అంచనాలను తగ్గించడానికి ఒక చిన్న కథతో ఎటువంటి గ్రాఫిక్స్ లేకుండా లో బడ్జెట్ సినిమా తీసే ఆలోచనలో ఉన్నట్లు సమాచారం. అందుకోసం కథ కూడా రెడీగా ఉన్నట్లు తెలిసింది.

ఈ కథలో హీరోగా ఎన్టీఆర్ కానీ, నాని కానీ నటించే అవకాశం ఉందని టాలీవుడ్ వర్గాల వారు చెప్పారు. ఎన్టీఆర్ చిన్న సినిమాలు చేసే పరిస్థితుల్లో లేరని, అందుకే నాని వైపు జక్కన్న చూపు ఉందని వెల్లడించారు. పైగా పూర్తి నిడివి తో మూవీ చేస్తానని ఈగ మూవీ సమయంలో రాజమౌళి నానికి మాట ఇచ్చినట్లు చెప్పుకుంటున్నారు. బాలీవుడ్ కి వెళ్ళిపోతే నాని తో సినిమా తీసే సమయం దొరకపోవచ్చని, అందుకే ఇప్పుడే ఆ చిత్రాన్ని తెరకెక్కించనున్నట్లు వివరించారు. ఈ వార్తలో ఎంతవరకు నిజముందో మరికొన్ని రోజుల్లో తెలియనుంది.

Also, do SUBSCRIBE to our YouTube channel to get latest Tollywood updates.