రజనీ ఫ్యాన్స్ కు పండగే..!

‘2.0’ చిత్రం తరువాత సౌత్ ఇండియన్ సూపర్ స్టార్ రజినీకాంత్ నుండీ వస్తున్న తాజా చిత్రం ‘పేట’. సంక్రాంతి కానుకగా జనవరి 10 న విడుదల కాబోతున్న ఈ చిత్రం పై భారీ అంచనాలే ఉన్నాయి. ఇటీవల విడుదలైన ఈ చిత్ర ట్రైలర్ కు అద్భుతమైన స్పందన లభించిన సంగతి తెలిసిందే. ఇక సెన్సార్ టాక్ ప్రకారం ఈ చిత్రం చాలా బాగా వచ్చిందట… ముఖ్యంగా ఈ చిత్రంలో వింటేజ్ రజినీ ని గుర్తుకు వచ్చేలా డైరెక్ట్ చేసాడంట కార్తీక్ సుబ్బరాజ్. ఈ చిత్రానికి ఎటువంటి కట్స్ లేకుండా సెన్సార్ బోర్డు వారు యూ/ఏ సర్టిఫికెట్ ను జారీ చేయడం విశేషం.

కోలీవుడ్ తో పాటు టాలీవుడ్ లో కూడా రజని కి ఉన్న క్రేజ్ ను దృష్టిలో పెట్టుకుని ఈ చిత్రాన్ని తెరకెక్కించడంట డైరెక్టర్. ఇందులో రజినీ స్టైల్ ని, మ్యానరిజం చూసి ఫ్యాన్స్ కు పూనకాలు రావడం ఖాయమంటున్నారు సెన్సార్ బోర్డు మెంబర్లు. రజనీని ఎలివేట్ చేసిన డైరెక్టర్ తీరుకి అనిరుథ్ మ్యూజిక్ తోడవ్వడంతో యాక్షన్ ఎలిమెంట్స్ అద్భుతంగా వచ్చాయంట. దీంతో ఈ చిత్రం… తలైవా అభిమానులకు ఫుల్ ట్రీట్ ఇవ్వనున్నట్టు తెలుస్తుంది.

అలాగే ఈ చిత్రంలో కామెడీ కూడా ఉందంట. ఫుల్ స్టైలిష్ యాక్షన్ ఎంటర్టైనర్ గా ఈ చిత్రం రూపొందిందంట. ఇక ఈ చిత్రం పెద్ద తారాగణం కూడా కనువిందు చేయనుంది. సిమ్రాన్ , త్రిష , విజయ్ సేతుపతి , నవాజుద్దిన్ సిద్దిఖీ,శశి కుమార్ వంటి వారు ప్రధాన పాత్రల్లో నటిస్తున్నారు ఈ చిత్రం నిడివి 2 గంటల 52 నిమిషాలు కావడం కొంచెం మైనస్ పాయింట్ గా చెప్పుకోవచ్చు. ‘సన్ పిక్చర్స్ సంస్థ’ పై కళానిధిమారన్ ఈ చిత్రాన్ని నిర్మించారు. తెలుగులో ఈ చిత్రాన్ని నవాబ్ , సర్కార్ చిత్రాలను విడుదలచేసిన అశోక్ వల్లభనేని విడుదల చేయనున్నారు.