టాలీవుడ్ యంగ్ హీరోలలో ఒకరైన రానా, సాయిపల్లవి కాంబినేషన్ లో తెరకెక్కిన విరాటపర్వం సినిమా మరో 4 రోజుల్లో థియేటర్లలో విడుదల కానుంది. ఒక వర్గం ప్రేక్షకుల్లో ఈ సినిమాపై భారీస్థాయిలో అంచనాలు నెలకొన్నాయనే సంగతి తెలిసిందే. వేణు ఊడుగుల డైరెక్షన్ లో ఈ సినిమా తెరకెక్కగా ఇప్పటికే విడుదలైన ట్రైలర్ ఈ సినిమాపై అంచనాలను పెంచింది. ఈ సినిమా ప్రమోషన్స్ లో భాగంగా రానా ఆసక్తికర విషయాలను వెల్లడించారు.
అడవులకు నాకు ఏదో సంబంధం ఉందని గడిచిన నాలుగు సంవత్సరాలుగా అడవుల్లోనే ఎక్కువగా షూటింగ్ లో పాల్గొన్నానని ఆయన తెలిపారు. విరాటపర్వం 1990లో జరిగిన కథ అని నా సినీ కెరీర్ లో తొలిసారి గొప్ప ప్రేమకథలో నటించానని రానా చెప్పుకొచ్చారు. విరాటపర్వం మూవీ చాలా లోతైన ప్రేమకథతో తెరకెక్కిందని రానా కామెంట్లు చేశారు. ప్రేమ కొరకు ఒక వ్యక్తి ఎంత దూరం వెళతాడో ఎంత త్యాగం చేస్తాడో ఈ సినిమాతో చెప్పామని రానా అన్నారు.
లోతైన సముద్రంలో తోసేస్తే ఎలాంటి ఫీలింగ్ ఉంటుందో ఈ సినిమా కథ విన్న సమయంలో అదే ఫీలింగ్ కలిగిందని రానా చెప్పుకొచ్చారు. మోరల్ డైలమా గురించి ఈ సినిమా ఉంటుందని రానా కామెంట్లు చేశారు. సినిమా వల్లే సమయాన్ని రీ క్రియేట్ చేయడం సాధ్యమవుతుందని రానా చెప్పుకొచ్చారు. విరాటపర్వం ప్రధాన సారాంశం మాత్రం ప్రేమేనని రానా కామెంట్లు చేయడం గమనార్హం.
సాయిపల్లవి గురించి రానా మాట్లాడుతూ ఆమె గొప్ప నటి అని సినిమాలో వెన్నెల రోల్ మరో లెవెల్ లో ఉంటుందని చెప్పుకొచ్చారు. సినిమాలో రవన్న రోల్ ను మరొకరు చేస్తారో లేదో తెలీదు కానీ వెన్నెల రోల్ ను మాత్రం సాయిపల్లవి కాకుండా ఎవరూ చేయలేరని రానా చెప్పుకొచ్చారు. సాయిపల్లవి చాలా సింపుల్ పర్సన్ అని ఆమె సింప్లిసిటీ వల్లే అద్భుతమైన నటనను కనబరుస్తున్నారని రానా కామెంట్లు చేశారు.
Most Recommended Video
అభిమాని టు ఆలుమగలు…అయిన 10 మంది సెలబ్రిటీల లిస్ట్..!
‘జల్సా’ టు ‘సర్కారు వారి పాట’.. బ్యాడ్ టాక్ తో హిట్ అయిన 15 పెద్ద సినిమాలు ఇవే..!
చిరు టు మహేష్..సినిమా ప్రమోషన్లో స్టేజ్ పై డాన్స్ చేసిన స్టార్ హీరోల లిస్ట్..!
Home