ఏంటీ… రణ్‌బీర్‌ కపూర్‌కి రణ్వీర్ సింగ్‌ తండ్రా? ఎవరయ్యా ఈ కాంబినేషన్‌ సెట్‌ చేసింది. ఇదెలా సాధ్యం. అంతటి స్పెషల్‌ కథ ఎవరు రెడీ చేశారు? టైటిల్‌ చూడగానే ఇలాంటి ప్రశ్నలు మీ మైండ్‌లోకి వచ్చేశాయా? అయితే ఆన్సర్‌ ఇదిగో. బాలీవుడ్ వర్గాల సమాచారం ప్రకారం ఈ వార్త నిజమని సమాచారం. రణ్‌బీర్‌కి రణ్వీర్ సింగ్‌ తండ్రిగా కనిపించబోతున్నాడు. అయితే ఇక్కడో చిన్న పాయింట్‌ కూడా ఉంది. అంతకంటే ముందు బాలీవుడ్‌లో ఇటీవల వచ్చిన మార్పు గురించి మాట్లాడుకోవాలి.
ఆ మద్య ఎప్పుడో అక్షయ్‌ కుమార్‌ మాట్లాడుతూ ‘బాలీవుడ్‌లో యంగ్‌ హీరోలు కలసి ఓ సినిమా చేయడాఇకి ముందుకు రావడం లేదు’ అని కామెంట్‌ చేశాడు. మొన్నీమధ్య సల్మాన్‌ ఖాన్‌ కూడా ఇంచుమించు అలానే అన్నాడు. అయితే ఇప్పుడు అక్కడ కూడా పరిస్థితులు మారుతున్నాయి. అయితే ఇప్పుడు చెబుతున్న రణ్‌బీర్‌ – రణ్వీర్ సినిమా అలా కాదు. గతేడాది వచ్చిన భారీ బడ్జెట్‌ సినిమా ‘బ్రహ్మాస్త్ర పార్ట్‌ 1: శివ’ గుర్తుందా? ఈ సినిమాకు ఇంకా పార్టులు ఉన్నాయి అని అప్పుడే చెప్పారు.
ఇప్పుడు మేం చెప్పిన కాంబో రెండో పార్టులోనే ఉంటుందట. అయాన్‌ ముఖర్జీ తెరకెక్కించనున్న ఆ సినిమాలో దేవ్‌ అనే పాత్ర కోసం రణ్వీర్ సింగ్‌ను ఎంపిక చేసినట్లు సమాచారం. ఇందులో ‘శివకి తండ్రిగా రణ్వీర్ కనిపించనున్నాడట. తొలి పార్టులో శివగా రణ్‌బీర్‌ నటించిన విషయం తెలిసిందే. స్క్రిప్ట్‌ దశలో ఉన్న ఈ సినిమా 2025లో సెట్స్‌పైకి వెళ్లనుంది అని చెబుతున్నారు. ఈ లోపు రణ్వీర్ పాత్రపై క్లారిటీ వచ్చేస్తుంది.
ఒకవేళ ఈ సినిమా రూమర్‌ నిజమైతే బాలీవుడ్ ప్రేక్షకులకు పండగే అని చెప్పాలి. అయితే రణ్వీర్, రణ్‌బీర్‌ కలసి నటించే సన్నివేశాలు ఉండకపోవచ్చు అని టాక్‌. ఇక ఈ ఏడాది ‘రాకీ ఔర్‌ రాణీ కీ ప్రేమ్‌ కహానీ’ సినిమాతో ప్రేక్షకుల ముందుకొచ్చాడు (Ranveer) రణ్వీర్ సింగ్‌. ఇప్పుడు రోహిత్‌ శెట్టి దర్శకత్వంలో ‘సింగమ్‌ అగైన్‌’లో నటిస్తున్నాడు.
హాయ్ నాన్న సినిమా రివ్యూ & రేటింగ్!!
‘ఎక్స్ట్రా ఆర్డినరీ మెన్’ సినిమా రివ్యూ & రేటింగ్!
టాలీవుడ్ స్టార్ హీరోయిన్స్ లో దాగున్న టాలెంట్స్ ఏంటో తెలిస్తే షాక్ అవ్వాల్సిందే..!
Home