March 2026 Tollywood: మార్చి విన్నర్ ఎవరు?

2026 సంక్రాంతి తర్వాత వచ్చిన సినిమాల్లో ఏదీ కూడా బాక్సాఫీస్ వద్ద సందడి చేసింది లేదు. ఫిబ్రవరి అన్ సీజన్ కాబట్టి దాన్ని బ్లేమ్ చేయడానికి లేదు. అయితే ఇప్పుడు అందరి చూపు మార్చి నెలపైనే పడింది.

March 2026 Tollywood

టాలీవుడ్‌లో మళ్లీ జోష్ నింపే స్టామినా మార్చి(March 2026 Tollywood) నెలకి ఉంది. ఎంధుకంటే ఇదే నెలలో పెద్ద సినిమాలు రిలీజ్ అవుతున్నాయి.

మార్చి 19న ‘టాక్సిక్’ ‘దురంధర్ 2’

‘కేజీఎఫ్’ తో పాన్ ఇండియా స్టార్ గా ఎదిగిన యశ్ హీరోగా వస్తున్న ‘టాక్సిక్’ టీజర్… సెన్సేషన్ అయ్యింది. కానీ దానికి ఎటువంటి బజ్  క్రియేట్ అవ్వలేదు. ఈ సినిమా తెలుగు రైట్స్ ని దిల్‌ రాజు భారీ ధరకు కొనుగోలు చేశారు. రూ.120 కోట్లకి ఈ సినిమాను పంపిణీ చేస్తుండటం విశేషంగానే చెప్పుకోవాలి . సినిమాకి పాజిటివ్ టాక్ వస్తే తప్ప.. అంత భారీ మొత్తం రికవరీ అవ్వడం కష్టమే. ఏదేమైనా పాజిటివ్ కనుక వస్తే.. యశ్ కి ఉన్న క్రేజ్ దృష్ట్యా ఇక్కడ కూడా భారీ ఓపెనింగ్స్ రావడం ఖాయం.

‘దురంధర్’ పెద్ద హిట్ అయ్యింది. ఆ సినిమాకి తెలుగు వెర్షన్ రాలేదు కానీ.. తెలుగు రాష్ట్రాల్లో రిలీజ్ అయిన హిందీ వెర్షన్ ని ఎగబడి చూశారు. సీక్వెల్‌ క్రేజ్ ఉంది కాబట్టి… ఏమాత్రం పాజిటివ్ టాక్ వచ్చినా ఇది కూడా కుమ్మేయడం  ఖాయం. కాకపోతే ‘టాక్సిక్’ ‘ధురంధర్ 2’ రెండూ ఒకే రోజు రిలీజ్ అవ్వడం అంటే ఉత్కంటత రేపే విషయం.

మార్చి 26న ‘ఉస్తాద్ భగత్ సింగ్’

14 ఏళ్ల తర్వాత పవన్ కళ్యాణ్ – హరీష్ శంకర్ కాంబినేషన్‌లో రాబోతున్న సినిమా ఇది. ‘గబ్బర్ సింగ్’ కాంబో కాబట్టి అంచనాలు ఓ రేంజ్లో ఉన్నాయి. ఫస్ట్ సింగిల్ ‘ధేక్ లెంగే సాలా’ పెద్ద చార్ట్ బస్టర్ అయ్యింది. ఆ పాటతో పవన్ అభిమానుల్లో మంచి జోష్ నెలకొంది. మార్చి 25నే ప్రీమియర్ షోలు కూడా పడనున్నాయి. ఈ సినిమాకి ఏమాత్రం పాజిటివ్  టాక్ వచ్చినా.. ముందుగా చెప్పుకున్న 2 పాన్ ఇండియా సినిమాలు దీని ముందు నిలబడటం కష్టం.

ఇక మార్చి నెలలోనే ‘మృత్యుంజయ్’ ‘బ్యాండ్ మేళం’ ‘సరస్వతి’ ‘సతీ లీలావతి’ ‘సాంప్రదాయిని సుప్పిని సుద్దపూసని’ వంటి సినిమాలు కూడా రిలీజ్ అవుతున్నాయి. వాటిలో ఏ ఒక్కటి ఆడినా.. ధియేటర్స్ కి మంచి ఫీడింగ్ లభించినట్టే. మొత్తంగా 2026 మార్చి అనేది ధియేటర్లకి ఊపిరి పోసే నెలలానే కనిపిస్తుంది.

ఎట్టకేలకు ఓటీటీకి రాబోతున్న ‘భర్త మహాశయులకి విజ్ఞప్తి’