Rashmika Mandanna: అమ్మ ఆ రోజే చెప్పింది.. ఇప్పుడు అదే జరుగుతోంది: రష్మక మందన!

సినిమాల్లో నటించడం అంటే జీవితంలో రాజీపడటమే.. ఏంటీ ఇంత పెద్ద మాట అనేశారు అనుకుంటున్నారా? ఈ మాట మేం అన్నది కాదు. ప్రస్తుతం ఇండియన్‌ సినిమాలో స్టార్‌ హీరోయిన్‌గా, కుర్రాళ్ల గుండెల్లో క్రష్‌గా వెలిగిపోతున్న రష్మిక మందన (Rashmika Mandanna)  చెప్పింది. వరుస సినిమాలు, భారీ విజయాలతో ఫేవరేట్‌ హీరోయిన్‌గా ఉన్న ఆమె.. తన కెరీర్‌ గురించి, పర్సనల్‌ లైఫ్‌ గురించి మాట్లాడింది. ఆ వ్యాఖ్యలు ఇప్పుడు వైరల్‌గా మారాయి. ఇంతకముందు నటించిన పాత్రల కన్నా భవిష్యత్తులో చేయబోయే పాత్రలు భిన్నంగా ఉండాలి అనే ఆలోచనతోనే సినిమాలు చేస్తోందట రష్మిక మందన.

Rashmika Mandanna

అందుకే ప్రస్తుతం ఏకకాలంలో నాలుగు సినిమాలు చేస్తున్నా ఏ రెండింటిలోనూ పాత్రలు ఒకేలా ఉండవు అని చెప్పింది. ‘పుష్ప’ (Pushpa) సినిమాలు, ‘యానిమల్‌’ (Animal) సినిమతో మంచి గుర్తింపు వచ్చిందని చెప్పిన రష్మిక.. ఇప్పుడు ‘ఛావా’  (Chhaava) సినిమాలో ఏసుబాయి పాత్రతో ఇంకా మంచి పేరు వస్తుందని అంటోంది. ఇలా వరుస సినిమాలు చేస్తున్నారు కదా.. పర్సనల్‌ లైఫ్‌ సంగతేంటి అని అడిగితే.. కెరీర్‌లో విజయం కోసం చాలా కష్టపడాల్సి ఉంటుంది.

ఈ సమయంలో కొన్ని విషయాల్లో రాజీ పడకతప్పదు. ఇప్పుడు కెరీర్‌ పరంగా బిజీగా ఉండటంతో కుటుంబంతో ఎక్కువ సమయం గడపడలేకపోతున్నాను. నా ప్రయాణంలో నేను రాజీ పడిన అతిపెద్ద విషయం ఇదే అనిచెప్పింది రష్మిక. అయితే తాను ఎదుగుతున్నప్పుడే వాళ్ల అమ్మ తనకు ఓ విషయం చెప్పిందట. ఎవరూ వృత్తిపరమైన, వ్యక్తిగత జీవితాలను సమానంగా పొందలేరని, ఒక దాని కోసం మరోకటి త్యాగం చేయాల్సి ఉంటుందని అప్పుడే చెప్పిందట.

ఇప్పుడు తన కెరీర్‌ అలాగే ఉంది అని క్లారిటీ ఇచ్చింది. వృతిపరమైన కట్టుబాట్ల కోసం కుటుంబ సమయాన్ని త్యాగం చేస్తున్నా అని చెప్పింది. ఇక రష్మిక సినిమాల సంగతి చూస్తే.. ప్రస్తుతం ఆమె చేతిలో ‘ఛావా’, ‘సికందర్‌’ (Sikandar), ‘ది గర్ల్‌ఫ్రెండ్‌’, ‘కుబేర’ (Kubera), ‘థామా’ ఉన్నాయి. అలా హిందీ, తెలుగు, తమిళ పరిశ్రమల్లో బిజీగా ఉంది. ఫ్లో చూస్తుంటే ఆమె జోరు ఇంత త్వరగా తగ్గేలా లేదు. తగ్గొద్దు కూడా. కుటుంబ జీవితాన్ని రాజీ పడి పని చేస్తోంది కదా. ఆ మాత్రం రావాలిగా పేరు.

తండ్రైన ‘కేజిఎఫ్’ నటుడు.. ప్రిన్స్ అంటూ హీరోయిన్ పోస్ట్ వైరల్ !