“ఛలో” చిత్రంతో తెరకు పరిచయమైన ఈ అమ్మడు అందంతో కాకుండా క్యూట్ నెస్ తో ఆకట్టుకొంది. తొలి చిత్రంతోనే అభిమానుల్ని సంపాదించుకొన్న ఈ క్యూట్ హీరోయిన్ చేతిలో ప్రస్తుతం రెండు సినిమాలున్నాయి. ఇటీవల “గీత గోవిందం”తో హిట్ కొట్టిన విజయ్ దేవరకొండతోనే “డియర్ కామ్రేడ్” అనే సినిమా చేస్తున్న రష్మిక.. ఆ సినిమాతోపాటు నాని సరసన “దేవదాస్” చిత్రంలోనూ నటిస్తోంది. ఈ రెండు సినిమాల తర్వాత కూడా అమ్మడికి ఆఫర్లు గట్టిగానే ఉన్నాయి.
తాజాగా, తెలుగులో రష్మిక మరో సినిమాని ఓకే చేసింది. రష్మికను తెలుగు తెరకు పరిచయం చేసిన దర్శకుడు వెంకీ కుడుముల నితిన్‌ హీరోగా “భీష్మా” సినిమాని చేయబోతున్నాడు. ఈ సినిమాకు కూడా రష్మికనే హీరోయిన్‌గా తీసుకునే ఆలోచనలో ఉన్నాడట వెంకీ. ఇక పర్సనల్ లైఫ్ లో హీరో రక్షిత్ శెట్టితో రష్మిక నిశ్చితార్థం క్యాన్సిల్ అయింది. ఈ విషయాన్ని ఇటీవలే రష్మిక తల్లి ప్రకటించిన సంగతి తెలిసిందే.
