రవితేజ కథ మరో హీరోకి వెళ్లిందా..?

December 24, 2020 / 03:56 PM ISTByFilmy Focus

Join Us

దర్శకుడు మారుతి ‘ప్రతిరోజు పండగే’ సినిమా తరువాత చాలా గ్యాప్ తీసుకున్నాడు. ఈ మధ్యకాలంలో హీరో రామ్ కి ఓ కథ వినిపించాడు మారుతి. కానీ అది వర్కవుట్ అవ్వలేదు. ఆ తరువాత మాస్ హీరో రవితేజతో సినిమా చేయాలని నిర్ణయించుకున్నాడు. యూవీ క్రియేషన్స్ బ్యానర్ లో ఈ సినిమాకి సంబంధించి అన్ని పనులు అయిపోయాయి. కానీ ఇప్పుడు ఈ ప్రాజెక్ట్ డైలమాలో పడింది. రవితేజ ఈ ప్రాజెక్ట్ నుండి తప్పుకున్నట్లు సమాచారం. కథ నచ్చినప్పటికీ..

రెమ్యునరేషన్ విషయంలో తేడాలు రావడంతో రవితేజ సినిమాను పక్కన పెట్టినట్లు తెలుస్తోంది. ఈ సినిమాకి గాను రవితేజ రూ.12 కోట్ల రెమ్యునరేషన్ డిమాండ్ చేశాడట. యూవీ వాళ్లు తొమ్మిది కోట్లు ఇస్తామని చెప్పారట. కానీ దానికి రవితేజ ఒప్పుకోలేదని తెలుస్తోంది. అందుకే ఈ ప్రాజెక్ట్ నుండి బయటకి వెళ్లిపోయాడట రవితేజ. పది కోట్లకు రవితేజని ఒప్పించే ప్రయత్నం చేశాడట మారుతి. కానీ ఆయన మాత్రం రెమ్యునరేషన్ విషయంలో మొండిగా ఉండడంతో ఇక చేసేదేం లేక సైలెంట్ గా ఉండిపోయాడట.

ఈ లెక్కన చూసుకుంటే ఈ ప్రాజెక్ట్ ముందుకు వెళ్లడం కష్టమనే అనిపిస్తుంది. మారుతి దృష్టి ఇప్పుడు హీరో గోపీచంద్ పై పడిందని టాక్. ఇటీవల మారుతి-గోపీచంద్ మధ్య చర్చలు జరిగినట్లు తెలుస్తోంది. మారుతితో కలిసి పని చేయడానికి గోపీచంద్ కూడా ఆసక్తిగా ఉన్నట్లు తెలుస్తోంది. యూవీ సంస్థ కూడా గోపీచంద్ తో ఓ ప్రాజెక్ట్ చేయాల్సివుంది. కాబట్టి రవితేజ ఓకే కాకపోతే గోపీచంద్ తో సినిమా ఫైనల్ అయ్యే ఛాన్స్ ఉంది.