చిరంజీవి అభిమానులు ఎంతో ఆసక్తిగా ఎదురుచూసి… రిలీజ్‌ అయ్యాక దిగాలుపడిపోయిన సినిమాల్లో ‘స్టువర్ట్‌పురం పోలీస్‌స్టేషన్‌’ ఒకటి. చిరంజీవి, శ్రీదేవి కాంబినేషన్‌లో సినిమా కావడం, అప్పటికే పాటలు మంచి హిట్‌ అవ్వడంతో ఆ సినిమా మీద మామూలు హైప్‌ రాలేదు. అయితే సినిమా అంచనాలు అందుకోలేదు. అయితే ఆ తర్వాత ఇన్నాళ్లకు ‘స్టువర్ట్‌పురం’ నేపథ్యంలో ఓ సినిమా రూపొందుతోంది. మాస్ మహరాజ్‌ రవితేజ ఆ సినిమా చేస్తున్నారట. స్టువర్ట్‌పురానికి చెందిన గజదొంగ టైగర్‌ నాగేశ్వరరావు జీవిత కథను సినిమాగా తీసుకురావాలని చాలా రోజులుగా ప్రయత్నాలు జరుగుతున్నాయి.
బెల్లంకొండ సాయి శ్రీనివాస్‌తో నిర్మాత అభిషేక్‌ అగర్వాల్‌ ఈ సినిమా నిర్మించనున్నట్లు ఆ మధ్య వార్తలొచ్చాయి. అయితే చాలా ప్రయత్నాలు జరిగినా కార్యరూపం దాల్చలేదు. అయితే ఇప్పుడీ కథ రవితేజ దగ్గరకు వచ్చిందట. ఇటీవల కథ విన్న రవితేజ ఓకే చెప్పేశారని టాక్‌. వంశీ కృష్ణ నాయుడు అనే కొత్త దర్శకుడు ఈ సినిమాకు దర్శకత్వం వహించనున్నారు. భారీ బడ్జెట్‌తో పాన్‌ ఇండియా రేంజిలో నిర్మించేందుకు అభిషేక్‌ అగర్వాల్‌ సన్నాహాలు చేస్తున్నారు.
వచ్చే ఏడాది ఈ సినిమాను సెట్స్‌పైకి తీసుకెళ్తారట. టైగర్‌ నాగేశ్వరరావు 70ల కాలంలో దోపిడీలు, దొంగతనాలతో ప్రజలకు, పోలీసులకు కంటి మీద కునుకు లేకుండా చేసిన గజదొంగ.
Most Recommended Video
నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!
Home
