‘సీక్వెల్స్‌ తీస్తాం’ అని చెప్పి.. తర్వాత స్పందన లేని సినిమాల లిస్ట్‌ గురించి మాట్లాడుకునేటప్పుడల్లా ‘రాజా ది గ్రేట్’ సినిమా గురించి మాట్లాడుకుంటూ ఉంటారు. దానికి కారణం ఆ సినిమా క్లైమాక్స్‌లో ‘రాజా ది గ్రేట్ 2’ ఉంది అని అర్థం వచ్చేలా ముగించారు. దీంతో దర్శకుడు అనిల్‌ రావిపూడికి తరచుగా ఇదే ప్రశ్న ఎదువుతూ ఉంటుంది. మరోవైపు రవితేజకు ఇదే ప్రశ్న ప్రస్తావనకు వస్తుంది. అయితే ఇప్పుడు ఈ ప్రశ్నకు సమాధానం చెప్పబోతున్నారా? ఏమో పరిస్థితి చూస్తే అలానే ఉంది.
బాలకృష్ణతో ‘భగవంత్‌ కేసరి’ లాంటి సినిమా చేసి భారీ విజయం అందుకున్నారు అనిల్‌ రావిపూడి. ఈ సినిమా తర్వాత ‘హీరో ఎవరు?’ అనే ప్రశ్న చాలా రోజులుగా వినిపిస్తోంది. మొన్నీ మద్య ఇంటర్వ్యూలకు బయటకు వచ్చినా కూడా పెద్దగా ఈ విషయంలో సమాచారం రాలేదు. అయితే ఇప్పుడు ఆ ఆన్సర్‌ వచ్చేసింది అంటున్నారు. ‘రాజా ది గ్రేట్’ సినిమా కాంబినేషన్‌ను రిపీట్‌ చేయాలని అనుకుంటున్నట్లు సమాచారం. ఈ మేరకు దిల్ రాజు నుండి త్వరలో అనౌన్స్‌మెంట్‌ ఉండొచ్చు అంటున్నారు.
నిజానికి రవితేజతో సినిమా చేయాలని అనిల్‌ రావిపూడి చాలా రోజులుగా అనుకుంటున్నారు. అయితే ఆయన కొబ్బరికాయకు, గుమ్మడికాయకు పెద్ద గ్యాప్‌ ఇవ్వకుండా దూసుకుపోతున్నారు. ప్రస్తుతం ఆయన చేతిలో రెండు సినిమాలున్నాయి. మూడో సినిమాగా హరీశ్‌ శంకర్‌ సినిమా ఉండొచ్చు అని ఆ మధ్య అనుకున్నారు. అయితే ఇప్పుడు ఆ స్థానంలో అనిల్‌ రావిపూడి సినిమా పడుతుంది అంటున్నారు. ఈ మేరకు కథా చర్చలు త్వరలో ఉంటాయని కూడా చెబుతున్నారు.
దీంతో అప్పుడెప్పుడో చెప్పిన ‘రాజా ది గ్రేట్ 2’ (Raja the Great 2) ఇప్పుడు ఏమన్నా చేస్తారా అనే ప్రశ్న మొదలైంది. ప్రస్తుతం రవితేజ కార్తిక్ ఘట్టమనేనితో ‘ఈగిల్‌’ చేస్తున్నారు. త్వరలో గోపీచంద్‌ మలినేని సినిమా మొదలవుతుందట. ఈ రెండు అయ్యాకనే అనిల్‌ రావిపూడి సినిమా ఉండొచ్చు. అయితే మాస్ మహరాజ్‌ సినిమా పూర్తి చేయడానికి ఎక్కువ సమయం పట్టదు అని ప్రత్యేకంగా మనం చెప్పుకోనక్కర్లేదు.
మా ఊరి పొలిమేర 2 సినిమా రివ్యూ & రేటింగ్!
కీడా కోలా సినిమా రివ్యూ & రేటింగ్!
నరకాసుర సినిమా రివ్యూ & రేటింగ్!
Home