సూపర్ స్టార్ రజినీకాంత్ (Rajinikanth) హీరోగా ‘కూలీ’ (Coolie) సినిమా రూపొందుతుంది. లోకేష్ కనగరాజ్ (Lokesh Kanagaraj) ఈ చిత్రానికి దర్శకుడు. ‘ఖైదీ’ (Kaithi) ‘విక్రమ్’ ’(Vikram) సినిమాలతో లోకేష్ సినిమాలకి తెలుగులో కూడా మంచి మార్కెట్ ఏర్పడింది. ‘లియో’ (LEO) కి ప్లాప్ టాక్ వచ్చినా ఓపెనింగ్స్ బ్రహ్మాండంగా వచ్చాయి. బయ్యర్స్ అంతా సేఫ్ అవ్వడమే కాకుండా లాభాల బాట కూడా పట్టారు. అందుకే ‘కూలి’ పై ట్రేడ్ వర్గాల్లో కూడా ఆసక్తి నెలకొంది. ఈ క్రమంలో భారీ రేట్లు పెట్టి కొనుగోలు చేయడానికి బయ్యర్స్ అంతా ఎగబడుతున్నారు.
దిల్ రాజు (Dil Raju), సితార నాగవంశీ (Suryadevara Naga Vamsi), సుప్రియ యార్లగడ్డ (Supriya Yarlagadda), ఆసియన్ – సురేష్ వంటి వారు ‘కూలి’ హక్కుల కోసం ఎగబడుతున్నారు. దీంతో ‘కూలి’ నిర్మాతలు అత్యాశకి పోతున్నట్టు టాక్ నడుస్తుంది. విషయం ఏంటంటే.. ‘కూలీ’ డబ్బింగ్ సినిమా అని కూడా చూడకుండా డిస్ట్రిబ్యూటర్లు రూ.36 కోట్లు పెట్టడానికి ముందుకు వస్తున్నారు. కానీ ‘కూలీ’ టీం మాత్రం ఏకంగా రూ.45 కోట్లు ఆశిస్తుందట. దీంతో బయ్యర్స్ కొంచెం వెనకడుగు వేస్తున్నట్లు తెలుస్తుంది.
ఎందుకంటే అదే రోజున ఎన్టీఆర్ (Jr NTR) ‘వార్ 2′(War 2) సినిమా కూడా రిలీజ్ అవుతుంది. ఇది డబ్బింగ్ సినిమానే అయినప్పటికీ… ఎన్టీఆర్ ఉన్నాడు కాబట్టి,టాక్ తో సంబంధం లేకుండా కచ్చితంగా భారీ ఓపెనింగ్స్ వస్తాయి. అందుకే ‘వార్ 2’ బిజినెస్ కూడా భారీగానే జరుగుతుంది. ఒకవేళ ‘కూలీ’ సోలోగా రిలీజ్ అయితే మాత్రం కచ్చితంగా భారీ రేట్లు పెట్టి కొనుగోలు చేసేవారు.
