నితిన్ (Nithiin) , శ్రీలీల(Sreeleela) జంటగా నటించిన ‘రాబిన్ హుడ్'(Robinhood) సినిమా మార్చి 28న ఉగాది కానుకగా రిలీజ్ అయ్యింది. ‘ఛలో’ (Chalo) ‘భీష్మ’ (Bheeshma) వంటి హిట్లు ఇచ్చిన వెంకీ కుడుముల (Venky Kudumula) ఈ సినిమాకు దర్శకుడు కావడంతో కొద్దిపాటి అంచనాలు ఏర్పడ్డాయి. ‘మైత్రి మూవీ మేకర్స్’ బ్యానర్ పై వై.రవిశంకర్ (Y .Ravi Shankar), నవీన్ ఎర్నేని (Naveen Yerneni).. ఈ చిత్రాన్ని నిర్మించారు. డేవిడ్ వార్నర్ ఈ సినిమాలో చిన్న కేమియో చేశారు. అది పబ్లిసిటీకి పనికొచ్చింది. అయితే మొదటి రోజు ఈ సినిమాకి నెగిటివ్ టాక్ వచ్చింది.
వెన్నెల కిషోర్(Vennela Kishore), రాజేంద్ర ప్రసాద్ (Rajendra Prasad) .. కామెడీ తప్ప సినిమాలో విషయం ఏమీ లేదు అని ప్రేక్షకులు కామెంట్స్ చేశారు. దీంతో ఓపెనింగ్స్ దెబ్బతిన్నాయి. రంజాన్ రోజున కూడా ఈ సినిమా పెద్దగా క్యాష్ చేసుకోలేకపోయింది. ఒకసారి 4 డేస్ కలెక్షన్స్ ని గమనిస్తే :
| నైజాం | 2.02 cr |
| సీడెడ్ | 0.60 cr |
| ఉత్తరాంధ్ర | 0.48 cr |
| ఈస్ట్ | 0.23 cr |
| వెస్ట్ | 0.18 cr |
| గుంటూరు | 0.39 cr |
| కృష్ణా | 0.32 cr |
| నెల్లూరు | 0.17 cr |
| ఏపీ + తెలంగాణ (టోటల్) | 4.39 cr |
| రెస్ట్ ఆఫ్ ఇండియా | 0.32 cr |
| ఓవర్సీస్ | 0.68 cr |
| వరల్డ్ వైడ్ (టోటల్ ) | 5.39 cr (షేర్) |
‘రాబిన్ హుడ్’ (Robinhood) చిత్రానికి రూ.28 కోట్ల థియేట్రికల్ బిజినెస్ జరిగింది. ఈ సినిమా బ్రేక్ ఈవెన్ కావాలంటే రూ.28.5 కోట్ల షేర్ ను రాబట్టాలి. కానీ 4 రోజుల్లో ఈ సినిమా కేవలం రూ.5.39 కోట్లు షేర్ ను మాత్రమే రాబట్టింది. గ్రాస్ పరంగా రూ.10.42 కోట్లు కలెక్ట్ చేసింది.
