పవన్ కల్యాణ్‌ సినిమాల్లో ఎలా ఉన్నా, రాజకీయాల్లో ఎలా ఉన్నా.. ఇంట్లో మాత్రం కుర్రాడిలా, పిల్లాడిలా సందడి చేస్తుంటాడు. హీరో అయ్యాక, ఇప్పుడు డిప్యూటీ సీఎం అయ్యాక కూడా అలానే ఉన్నారా? అంటే మనసులోని పిల్లాడు ఎక్కడకు వెళ్తాడు.. అలానే ఉంటాడు అనే సమాధానం వస్తోంది. ఎన్నికల్లో 100 శాతం స్ట్రయిక్‌ రేట్‌తో ఇటీవల గెలిచి, డిప్యూటీ సీఎం అయ్యాడని అతని కుటుంబ సభ్యులు వరుస గిఫ్ట్‌లు ఇస్తున్నారు. మొన్నటికి మొన్న వదిన సురేఖ ఓ గిఫ్ట్ ఇవ్వగా.. మేనల్లుడు సాయిధరమ్ తేజ్ (Sai Dharam Tej) కూడా ఓ గిఫ్ట్ ఇచ్చాడు.
ఇప్పుడు అందరూ ఆ గిఫ్ట్ గురించే మాట్లాడుకుంటున్నారు. దానికి కారణాలు ఇచ్చినవ్యక్తి, దాని స్పెషాలిటీనే. మెగా ఫ్యామిలీలో ఇప్పటి హీరోలు / హీరోయిన్లు (ఒకప్పటి పిల్లలు)ను ఆడించిన వ్యక్తి పవన్‌కు గేమింగ్‌ సెటప్‌నే ఇచ్చాడు సాయిధరమ్ తేజ్. మెగా ఫ్యామిలీలో సాయిధరమ్ తేజ్‌కు పవన్ అంటే బాగా చనువు ఎక్కువట. ఆ చనువుతోనే ఇప్పుడు గిఫ్ట్ ఇచ్చాడు. ఇటీవల జరిగిన ఆంధ్రప్రదేశ్ అసెంబ్లీ ఎన్నికల్లో పవన్ కల్యాణ్‌ (Pawan Kalyan), అతని పార్టీ ఘన విజయం తర్వాత తిరుమలకు కాలి నడకన వెళ్లి మొక్కు తీర్చుకుని వచ్చాడు తేజ్.
ఇప్పుడు ‘స్టార్ వార్స్ లెగో’ బాక్స్‌ను బహుమతిగా ఇచ్చాడు. దీని ఖరీదు రూ.లక్షకు పైగా ఉంటుందని చెబుతున్నారు. ‘నాకు స్టార్ వార్స్ లెగోను పరిచయం చేసింది మావయ్యే. ఆయనలోని పిల్లాడికి ఇప్పుడు దానినే గిఫ్ట్‌గా ఇచ్చే అవకాశం దక్కింది అంటూ సాయతేజ్‌ మురిసిపోయాడు. గిఫ్ట్ ఇస్తూ దిగిన ఫొటోను సోషల్ మీడియాలో షేర్‌ చేశాడు.
ఇక పవన్‌కు వదిన సురేఖ కూడా మోంట్ బ్లాక్ డిస్నీ ఎడిషన్ పెన్‌ను గిఫ్ట్ ఇచ్చిన సంగతి తెలిసిందే. దీని విలువ సుమారు రూ. 2.5 లక్షల వరకు ఉంటుందని అంచనా వేస్తున్నారు. అయితే వీటి ధర విషయంలో ఎక్కడా ఎలాంటి స్పష్టమైన సమాచారం ఇవ్వలేదు. అయినా అభిమానం ముందు ఈ లెక్కలు అవసరమా చెప్పండి.
Home