తెలుగు చిత్ర పరిశ్రమలో సాయి పల్లవి, అనుపమ పరమేశ్వరన్ హవా

అందమైన భామలు సాయి పల్లవి, అనుపమ పరమేశ్వరన్ లు దాదాపు ఒకేసారి సినిమా కెరీర్ ని ప్రారంభించారు. మలయాళంలో వచ్చిన ప్రేమమ్ సినిమాలో కలిసి నటించి మంచిపేరు తెచ్చుకున్నారు. ఈ చిత్రంలో అచ్చమైన మలయాళీగా సాయి పల్లవి నటించి అక్కడి వారి మనసు దోచుకుంది. తమిళనాడులో పుట్టి పెరిగిన ఈ భామ తెలుగులోనూ అడుగుపెట్టి.. తెలంగాణలో పుట్టి పెరిగిన అమ్మాయిలా నటించి మెప్పు అందుకుంది. ఫిదాలో ఆమె చేసిన భానుమతి రోల్ అందరికీ గుర్తుండిపోయింది. ఆ తర్వాత ఎంసీఏ లో సరదాగా ఆడి పాడింది. ఇప్పుడు మాతృ భాష తమిళంలో అనేక సినిమాలు చేస్తూ బిజీగా ఉంది. ఇక మలయాళ భామ అనుపమ పరమేశ్వరన్ మాతృ భాషలో మొదట హిట్ కొట్టి తెలుగులో ఎంట్రీ ఇచ్చింది.

అ..ఆ లో నటనతో పాటు తెలుగు భాషలో మాట్లాడి తెలుగువారి హృదయాల్లో సంపాదించుకుంది. ఆ తర్వాత ప్రేమమ్, శతమానం భవతి సినిమా హిట్ టాక్ తెచ్చుకుంది. అలాగే యంగ్ హీరో రామ్ పోతినేని తో ఉన్నదీ ఒకటే జిందగీ సినిమాలో యాక్ట్ చేసి క్లాస్ ఆడియన్స్ కి దగ్గరైంది. ప్రస్తుతం అనుపమ సాయి ధరమ్ తేజ్ సరసన నటిస్తోంది. సాయి పల్లవి నాగశౌర్యతో చేసిన కణం సినిమా రిలీజ్ కి సిద్ధంగా ఉంది. ఇవే కాకుండా వీరిద్దరి చేతిలో అనేక తెలుగు సినిమా కథలు ఉన్నాయి. వారి గ్రీన్ సిగ్నల్ కోసం దర్శకనిర్మాతలు ఎదురుచూస్తున్నట్లు ఫిలిం నగర్ వాసుల సమాచారం.