Sai Pallavi: సాయిపల్లవి చేతిలో ఒకే ఒక్క సినిమా!

హీరోయిన్ అంటే కేవలం గ్లామర్ షో కోసం మాత్రమే అనే అభిప్రాయం అందరిలో ఉండేది. మన మేకర్లు కూడా తెరపై హీరోయిన్లను ఒక గ్లామర్ డాల్ గానే చూపించేవారు. చాలా తక్కువమంది మాత్రమే నటనతో ఆకట్టుకుని క్రేజ్ సంపాదించారు. నయనతార, అనుష్క, సమంత లాంటి మంచి పెర్ఫార్మన్స్ ఇచ్చే హీరోయిన్లు కూడా కెరీర్ ఆరంభంలో గ్లామర్ రోల్స్ చేశారు. కానీ సాయిపల్లవి మాత్రం అందరికీ భిన్నమనే చెప్పాలి. ఆమె కెరీర్ ఆరంభం నుంచి కేవలం పెర్ఫార్మన్స్ ఓరియెంటెడ్ పాత్రలు మాత్రమే ఎంచుకుంటుంది.

ఆమె డాన్స్, పెర్ఫార్మన్స్ తో లక్షల మంది అభిమానం సంపాదించుకుంది. అయితే పెర్ఫార్మన్స్ ఓరియెంటెడ్ పాత్రలకే పరిమితమైతే.. ఎక్కువ అవకాశాలు అందుకోవడం కష్టం. ఎందుకంటే అలాంటి పాత్రలు ఉన్న కథలు చాలా తక్కువగా వస్తుంటాయి. దీనికి తోడు ఈ మధ్యకాలంలో సాయిపల్లవి సినిమాలు కమర్షియల్ గా వర్కవుట్ కాకపోవడంతో ఆమె కెరీర్ స్లో అయింది. గతేడాది తెలుగులో ‘విరాటపర్వం’ సినిమాతో తెలుగు ప్రేక్షకులను పలకరించింది సాయిపల్లవి.ఆ సినిమాకి విమర్శకుల ప్రశంసలు దక్కినప్పటికీ..

సినిమా మాత్రం కమర్షియల్ గా దారుణమైన ఫలితాన్ని అందుకుంది. ఇది సాయిపల్లవి కెరీర్ పై ప్రతికూల ప్రభావం చూపించింది. సాయిపల్లవి నటించిన మరో సినిమా ‘గార్గి’ విషయంలో కూడా ఇదే పరిస్థితి. ఆ సినిమాకి మంచి పేరొచ్చింది. కానీ కమర్షియల్ గా వర్కవుట్ కాలేదు. ఈ రెండు సినిమాల తరువాత సాయిపల్లవికి తెలుగులో అవకాశాలు బాగా తగ్గాయి. ఆమెకి ఎవరూ పాత్రలు ఆఫర్ చేయడం లేదా..? లేక తనకు నచ్చిన పాత్రలు రాకపోవడంతో సాయిపల్లవి సినిమాలు రిజెక్ట్ చేస్తుందా..?

అనేది తెలియదు కానీ ఇప్పుడైతే ఆమెకి తెలుగులో ఒక్క అవకాశం కూడా లేదు. కొన్ని నెలలుగా టాలీవుడ్ లో ఆమె పేరు వినిపించడం లేదు. మిగిలిన భాషల్లో కూడా పెద్దగా సినిమాలు చేయడం లేదు ఈ బ్యూటీ. తమిళంలో మాత్రం శివకార్తికేయన్ సరసన ఓ సినిమా చేస్తుంది. అంతకుమించి ఈమె చేతిలో మరో సినిమా లేదు.

8 సార్లు ఇంటర్నేషనల్ అవార్డ్స్ తో తెలుగు సినిమా సత్తాను ప్రపంచవ్యాప్తంగా చాటిన రాజమౌళి!
2022 విషాదాలు: ఈ ఏడాది కన్నుమూసిన టాలీవుడ్ సెలబ్రటీల లిస్ట్..!

రోజా టు త్రిష.. అప్పట్లో సంచలనం సృష్టించిన 10 మంది హీరోయిన్ల ఫోటోలు, వీడియోలు..!
హిట్-ప్లాప్స్ తో సంబంధం లేకుండా అత్యధిక వసూళ్లు సాధించిన పది రవితేజ సినిమాలు!