Sai Pallavi: పబ్ లో స్టెప్పులు వేసిన సాయిపల్లవి.. భారీ షాకిచ్చారుగా!

March 10, 2024 / 01:10 PM ISTByFilmy Focus

Join Us

Sai Pallavi: పబ్ లో స్టెప్పులు వేసిన సాయిపల్లవి.. భారీ షాకిచ్చారుగా!

స్టార్ హీరోయిన్ సాయిపల్లవి (Sai Pallavi) తన డ్యాన్స్, యాక్టింగ్ స్కిల్స్ తో ఫిదా సినిమా నుంచి ఇప్పటివరకు ప్రేక్షకులను ఫిదా చేస్తూనే ఉన్నారు. వివాదాలకు దూరంగా ఉండే ఈ నటి పరిమితంగా రెమ్యునరేషన్ తీసుకుంటారు. న్యాచురల్ గా కనిపించడానికి ఇష్టపడే ఈ బ్యూటీ తాజాగా పబ్ లో డ్యాన్స్ స్టెప్పులు వేయడం నెట్టింట హాట్ టాపిక్ అవుతోంది. ప్రస్తుతం తెలుగులో తండేల్ సినిమాలో నటిస్తున్న సాయిపల్లవి హిందీలో ఒక సినిమాలో నటిస్తున్నారు.

జపాన్ లోని ఒక పబ్ లో సాయిపల్లవి ఊరమాస్ డ్యాన్స్ చేయడం గమనార్హం. (Aamir Khan) అమీర్ ఖాన్ కొడుకు జునైద్ ఖాన్ హీరోగా ఒక సినిమా బాలీవుడ్ ఇండస్ట్రీలో తెరకెక్కుతుండగా ఈ సినిమాలో సాయిపల్లవి హీరోయిన్ గా నటిస్తున్నారని సమాచారం అందుతోంది. ప్రస్తుతం ఈ సినిమా షూట్ జపాన్ లో జరుగుతుండటం గమనార్హం. తాజాగా ఈ సినిమా టీమ్ పబ్ లో పార్టీ చేసుకున్నారు.

పబ్ లో సాయిపల్లవి ఒక హిందీ పాటకు స్టెప్పులు వేసి ఆకట్టుకున్నారు. సాయిపల్లవి డ్యాన్స్ చేసిన వీడియో నెట్టింట వైరల్ అవుతోంది. సాయిపల్లవి ఎనర్జీ లెవెల్స్ అదుర్స్ అని ఫ్యాన్స్ చెబుతున్నారు. సాయిపల్లవి నటిస్తున్న సినిమాలకు బిజినెస్ కూడా భారీ స్థాయిలో జరుగుతోంది. శివకార్తికేయన్ (Siva Karthikeyan) సాయిపల్లవి కాంబోలో ఒక సినిమా తెరకెక్కుతుండగా ఈ సినిమా డిజిటల్ రైట్స్ 55 కోట్ల రూపాయలకు అమ్ముడైనట్టు తెలుస్తోంది.

సాయిపల్లవి తర్వాత ప్రాజెక్ట్ లతో భారీ విజయాలను అందుకోవాలని ఫ్యాన్స్ కోరుకుంటున్నారు. సాయిపల్లవి రెమ్యునరేషన్ 2 కోట్ల రూపాయలకు అటూఇటుగా ఉంది. స్క్రిప్ట్ నచ్చితే మాత్రమే సాయిపల్లవి సినిమాలకు గ్రీన్ సిగ్నల్ ఇస్తున్నారు. సాయిపల్లవి ఇతర భాషలపై కూడా ఫోకస్ పెడుతుండటం ఫ్యాన్స్ కు ఎంతో సంతోషాన్ని కలిగిస్తోంది. సాయిపల్లవి కొంతకాలం సినిమాలకు బ్రేక్ ఇచ్చినా వరుస సినిమాలతో బిజీ అవుతున్నారు.